ឥណ្ឌូនេស៊ី អនុញ្ញាតឱ្យប្រជាជន ហែលទឹកក្នុងអាងបាន អំឡុងពេល តំណាក់កាលធម្មតាថ្មី នៃមេរោគកូវីដ

ហ្សាការតា៖ លោកស្រី Reisa Broto Asmoro សមាជិក នៃក្រុមការងារពិសេសជាតិ លើជំងឺកូវីដ ១៩ របស់ឥណ្ឌូនេស៊ី បាននិយាយនៅថ្ងៃអាទិត្យថា ប្រជាជនអាចហែលទឹកបាន ក្នុងអំឡុងពេល“ ធម្មតា” ថ្មីនៃការរាតត្បាតជំងឺ។

យោងតាមទីភ្នាក់ងារព័ត៌មានចិន ស៊ិនហួ ចេញផ្សាយនៅថ្ងៃទី២៩ ខែមិថុនា ឆ្នាំ២០២០ បានឱ្យដឹងថា លោកស្រី Asmoro ត្រូវបានដកស្រង់សម្តី ដោយ Kompas.com ថា “ មនុស្សជាច្រើនបានសួរ និងរង់ចាំ ថាតើយើងអាចហែលទឹក នៅក្នុងអាងហែលទឹកបានទេ?

ទោះយ៉ាងណា ពិធីសារសុខភាព គួរតែត្រូវបានអនុវត្ត ដោយការគ្រប់គ្រងអាងហែលទឹក និងអ្នកហែលទឹកត្រូវតែគោរពតាមច្បាប់។ ដំបូងអ្នកគ្រប់គ្រងអាង ត្រូវធានាថា អាងមានផ្ទុកនូវសារធាតុក្លរីន នៅកម្រិត 1-10 ppm (មួយចំណែកក្នុងមួយលាន) ឬប្រូមូននៅកម្រិត 3-8 ppm។

លោកស្រី Asmoro បាននិយាយថា“ ដូច្នេះកំរិត pH នៃទឹកគួរតែឡើងដល់ ៧,២ ដល់ ៨ ហើយនេះត្រូវតែកត់សំគាល់ នៅលើផ្ទាំងព័ត៌មានរាល់ថ្ងៃ ដើម្បីធ្វើឱ្យប្រជាជនយល់ដឹង” ។ ទី ២ អ្នកគ្រប់គ្រងគួរតែធានាថា ការសម្អាតនិងការរំងាប់មេរោគ ទាំងលើផ្ទៃអាងហែលទឹក និងតំបន់ជុំវិញត្រូវបានអនុវត្តជាប្រចាំ៕
ប្រែសម្រួលៈ ណៃ តុលា