តូក្យូ៖ ទីភ្នាក់ងារព័ត៌មានចិនស៊ិនហួ បានចុះផ្សាយកាលពីរាត្រីថ្ងៃទី២១ ខែកក្កដា ឆ្នាំ២០២០ថា ក្រុងតូក្យូ ត្រូវបានគេរាយការណ៍មកថា មានករណីថ្មីនៃជំងឺកូវីដ១៩ ចំនួន២៣៧នាក់ គិតត្រឹមថ្ងៃអង្គារ ដែលនំាឲ្យអ្នកឆ្លងជំងឺបន្ថែមទៀត នៅរដ្ឋធានីនេះជិត១ម៉ឺននាក់ ខណៈដែលទីក្រុងនេះ កំពុងបន្តទប់ទល់ នឹងការឆ្លងជំងឺដែលកើនឡើង ។
ក្នុងរយៈពេល៤ថ្ងៃ ហើយនាចុងសប្តាហ៍ នៅក្នុងប្រទេស ដែលមានអ្នកធ្វើដំណើរក្នុងស្រុក ត្រូវបានគេរំពឹងថា ការឆ្លងជំងឺ នឹងកើនឡើង ។
តួលេខចុងក្រោយ មានអ្នកឆ្លងជំងឺលើសពី២០០នាក់ ជាលើកដំបូងនៅក្នុងរយៈពេល៣ថ្ងៃ បើធៀបនឹងថ្ងៃចន្ទ មានចំនួន១៦៨ករណី បាននាំឲ្យអ្នកឆ្លងកូវីដ១៩ បន្ថែមទៀត នៅក្នុងទីក្រុងនេះ កើនដល់៩.៨១៦នាក់ ។
នៅទូទាំងប្រទេស មានអ្នកឆ្លងជំងឺថ្មីចំនួន ៦៣២នាក់ ត្រូវបានគេរាយការណ៍កាលពីថ្ងៃអង្គារ ដែលនាំឲ្យអ្នកឆ្លងជំងឺបន្ថែមទៀត មានប្រមាណ២៦.៤៧៦នាក់ ក្នុងនោះមិនរាប់បញ្ចូល ទាំងអ្នកពាក់ព័ន្ធនឹងនាវាកម្សាន្តមួយគ្រឿង ដែលត្រូវបានតាមដាន នៅតំបន់ Yokohama ជិតក្រុងតូក្យូ នៅក្នុងខែកុម្ភៈនោះទេ ។
ក្រុមមន្ត្រីបានបន្លឺសំឡេង ដោយមានក្តីបារម្ភអំពីការកើនឡើង អ្នកឆ្លងជំងឺ នៅខេត្តដែលជាប់នឹងទីក្រុងតូក្យូ ។
រដ្ឋធានីរបស់ប្រទេសជប៉ុន ដែលមានពលរដ្ឋ១៤លាននាក់ ត្រូវបានគេមើលឃើញថា មានករណីឆ្លងជំងឺត្រីគុណ ប៉ុន្តែ មានតែ២ថ្ងៃគត់នៅក្នុងខែកក្កដា ដែលក្នុងកំណត់ត្រា មានករណី២៩៣នាក់ ដែលត្រូវបានរាយការណ៍ឲ្យដឹង កាលពីថ្ងៃទី១៧ កក្កដា ។
យោងតាមតួលេខចុងក្រោយ គិតត្រឹមល្ងាចថ្ងៃអង្គារ បន្ទាប់ពីក្រុងតូក្យូ គឺមានខេត្ត , Osaka មានករណីថ្មីចំនួន៧២នាក់ ជាប្រចាំថ្ងៃបន្ថែមទៀត ដែលនាំឲ្យចំនួនអ្នកឆ្លងជំងឺ សរុបមានរហូតដល់ ២.៥៤១នាក់ ហើយខេត្ត Kanagawa មានអ្នកឆ្លងជំងឺបន្ថែម ចំនួន៣០នាក់ ដែលនាំឲ្យអ្នកឆ្លងសរុប មានរហូតដល់២.០៣៧នាក់ ទន្ទឹមនឹងនេះដែរ ខេត្ត Saitam បានកត់ត្រាថា មានអ្នកឆ្លងជំងឺថ្មីចំនួន៤៧នាក់ នាំឲ្យតួលេខនៃអ្នកឆ្លងជំងឺ សរុបកើនដល់១.៨២៧នាក់ ៕ ប្រែសម្រួលដោយ៖ ម៉ៅ បុប្ផាមករា
