សេអ៊ូល៖ លោកនាយករដ្ឋមន្រ្តីលោក Chung Sye-kyun បានលើកឡើងថា រដ្ឋាភិបាលរបស់លោក គ្រោងនឹងចាប់ផ្តើម ទទួលថ្នាំបង្ការជំងឺកូវីដ-១៩ នៅក្នុងត្រីមាសទីមួយ នៃឆ្នាំ២០២១ ។
ក្នុងកិច្ចប្រជុំរដ្ឋាភិបាល ទាក់ទងនឹងលទ្ធកម្មវ៉ាក់សាំង លោកនាយករដ្ឋមន្រ្តី បានលើកឡើងថា អាជ្ញាធរនឹងបង្កើតផែនការយ៉ាងល្អិតល្អន់ ដើម្បីអនុញ្ញាតឱ្យវ៉ាក់សាំង ដែលបានទិញជាមុនត្រូវបាន “ទទួលបានត្រឹមត្រូវចាប់ពីត្រីមាសទី ១ ឆ្នាំក្រោយ” ដើម្បីឱ្យពួកគេ អាចគ្រប់គ្រងបានតាមផែនការ។
កិច្ចប្រជុំថ្នាក់រដ្ឋមន្ត្រី នៅវិមានរដ្ឋាភិបាល ក្នុងទីក្រុងសេអ៊ូល មានការចូលរួម ពីរដ្ឋមន្ត្រីក្រសួងហិរញ្ញវត្ថុ ក្រសួងការបរទេស និងសុខាភិបាល និងប្រធានទីភ្នាក់ងារត្រួតពិនិត្យ និងការពារជំងឺកូរ៉េជាដើម។
លោកនាយករដ្ឋមន្រ្តី បានទទួលស្គាល់ថា មានការទាមទារកាន់តែច្រើនឡើង សម្រាប់ការដាក់បញ្ចូល វ៉ាក់សាំងយ៉ាងឆាប់រហ័ស ចំពេលមានការលេចចេញជាថ្មី នៃករណីវីរុសថ្មី នៅទូទាំងប្រទេស និងព័ត៌មានដែលថា វ៉ាក់សាំង កំពុងចាប់ផ្តើម ត្រូវបានផ្តល់ជូនដល់សាធារណជនទូទៅ នៅចក្រភពអង់គ្លេស និងសហរដ្ឋអាមេរិក៕ ដោយ៖ ឈូក បូរ៉ា
