ហាណូយ៖ យោងតាមក្រសួងសុខាភិបាលវៀតណាមបានរាយការណ៍ថា ប្រទេសវៀតណាមបានរាយការណ៍ករណីឆ្លងថ្មីនៃជំងឺកូវីដ-១៩ ចំនួន ២៧២ ករណី រួមមានការឆ្លងក្នុងស្រុកចំនួន ២៦៦ករណី និងករណីនាំចូលចំនួន ៦ ករណីដែលករណីឆ្លងសរុបកើនឡើងដល់ចំនួន ១០ ៨១០ករណី ។
ក្នុងចំណោមករណីសហគមន៍ ២៣៦ករណី ត្រូវបានគេរាយការណ៍នៅក្នុងកន្លែងដាក់ដាច់ដោយឡែក ឬតំបន់ចាក់សោ។ បើនិយាយអំពីតំបន់នានាចំនួន ១២១ករណី ត្រូវបានរកឃើញនៅភាគខាងជើងនៃខេត្ត Bac Giang ដែលជាកន្លែងជំងឺរាតត្បាតរាលដាល, ៨២ករណី នៅភាគខាងត្បូងទីក្រុងហូជីមិញ, ២២ករណី នៅភាគកណ្តាលទីក្រុង Ha Tinh និង ១៧ករណី នៅខេត្ត Bac Ninh ភាគខាងជើងប្រទេស។
យោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួបានឲ្យដឹងថា ភាគច្រើននៃពួកគេ គឺជាទំនាក់ទំនងនៃករណី ដែលបានបញ្ជាក់ពីមុន ឬភ្ជាប់ទៅនឹងចង្កោមនៃការបង្ករោគនៅតាមមូលដ្ឋាន។
នៅទូទាំងប្រទេសវៀតណាម មានអ្នកជំងឺជាសះស្បើយចំនួន ៤,២៣៦នាក់មកដល់សព្វថ្ងៃ ដែលអ្នកជាសះស្បើយថ្មីចំនួន ២៣៨ នាក់ពីថ្ងៃអាទិត្យ ហើយមនុស្សជាង ១៩៦,១០០ នាក់ត្រូវបានគេដាក់ឱ្យស្ថិតនៅដាច់ដោយឡែក និងតាមដានជំងឺ។
ក្រសួងសុខាភិបាលវៀតណាម បានឲ្យដឹងថាអ្នកជំងឺកូវីដ-១៩ ចំនួន ២ នាក់ទៀត ដែលមានជម្ងឺធ្ងន់ធ្ងរបានស្លាប់ ដែលបានធ្វើឱ្យចំនួនអ្នកស្លាប់សរុប ដែលទាក់ទងនឹងវីរុសនេះ កើនឡើងដល់ ៦១ នាក់។
ដូចគ្នានេះផងដែរនៅថ្ងៃច័ន្ទម្សិលមិញនេះ រដ្ឋាភិបាលទីក្រុងហូជីមិញ បានសម្រេចចិត្តពង្រីកវិសាលភាពសង្គមបច្ចុប្បន្នរបស់ខ្លួន ដែលបានចាប់ផ្តើមនៅថ្ងៃទី៣១ ខែឧសភា ដោយ ២ សប្តាហ៍ទៀត ចំពេលមានការព្រួយបារម្ភអំពីការរីករាលដាលនៃជំងឺរាតត្បាត។
គួរបញ្ជាក់ថា ទីក្រុងនេះបានរាយការណ៍ថា មានករណីគ្របដណ្តប់លើតំបន់ក្នុងតំបន់ចំនួន ៨០០ករណីចាប់តាំងពីការចាប់ផ្តើមផ្ទុះឡើងចុងក្រោយបង្អស់នៅចុងខែមេសា៕
ដោយ ឈូក បូរ៉ា
