ប្រសិនបើអ្នកចង់ពាក់អាវវាលក្លៀក តែបែរជាងមិនហ៊ាន ពាក់ដោយសារក្លៀកខ្មៅ ចូរអ្នកឈប់បារម្ភទៀតទៅ។ ដើម្បីឲ្យក្លៀករបស់អ្នកបាត់នូវស្នាមខ្មៅ និងមានទំនុកចិត្ត ក្នុងការពាក់អាវវាល ចូរក្រឡេកមើល វិធីខាងក្រោមនេះដូចតទៅ៖
ប្រើប្រាស់ថ្នាំស ពីធម្មជាតិ
សារជាតិ អាស៊ីត, សារធាតុប្រឆាំង និងបាក់តេរីផ្សេងៗ ដែលមានក្នុងបន្លែ និងផ្លែឈើអាចជួយឲ្យស្បែករបស់អ្នក ភ្លឺរលោងបែបធម្មជាតិ។ ជាមួយគ្នានេះដែរ ដំឡូងបារាំង ត្រសក់ និងក្រូចឆ្មារ អាចកម្ចាត់ស្នាមខ្មៅ របស់ក្លៀកបាន។
-ដំឡូងបារាំងៈ ចិតដំឡូងបារាំង ជាចំនិតស្តើងៗ ហើយយកមកដុស លើកន្លែងដែលខ្មៅ។ មួយវិញទៀត អ្នកអាចយកវាទៅគៀបយកទឹក រួចយកមកលាបលើក្លៀក ទុកចោលរយៈពេល ១០នាទី ទើបលាងស្អាតចេញ។
-ត្រសក់ៈ ចិតស្តើងៗ ឬ គៀបយកទឹក ដូចជាដំឡូងបារាំងដែរ។ មួយវិញទៀត អ្នកក៏អាចបន្តក់ទឹកក្រូចឆ្មារ ២ឬ ៣ដំណក់ និងម្សៅល្មៀត លាយទៅក្នុងទឹកត្រសក់។ លាបល្បាយនោះ នៅលើកន្លែងក្លៀកខ្មៅ ហើយទុកចោល ៣០នាទី សឹមលាងជាមួយនឹងទឹកស្អា
-ក្រូចឆ្មារៈ យកចំនិតក្រូចឆ្មារ មកដុសនៅលើកន្លែងក្លៀកខ្មៅ ដែលវាអាចជួយកំចាត់ស្នាមខ្មៅ និងធ្វើឲ្យស្បែកភ្លឺ។ ទុកវាចោលចំនួន ១០នាទី សឹមលាងសម្អាត។ ចូរអ្នកកុំភ្លេចលាបឡេ ដើម្បីផ្តល់សំនើមដល់ស្បែក ពីព្រោះថា អាស៊ីត នៅក្នុងក្រូចឆ្មារ អាចនាំឲ្យស្បែកស្ងួត។ ជាមួយគ្នានេះដែរ អ្នកក៏អាច លាយជាក្រូចឆ្មារជាមួយនឹង ម្សៅល្មៀតមួយភាគតូច យ៉ាអួសាប ឬទឹកឃ្មុំ ដើម្បីធ្វើឲ្យស្បែកមានសភាពទន់។
-ប្រេងស៊ុតឬ ស៊ុតក្រហមៈ យកប្រេងស៊ុតឬស៊ុតក្រហម មក ម៉ាស្សានៅបរិវេណក្លៀកខ្មៅ នឹងទុកវាចោលមួយយប់។ ដោយឡែក សារជាតិ អូមេហ្កា៣ ដែលមាននៅក្នុងប្រេងស៊ុត អាចជួយឲ្យភាពគ្រើមនៃក្លៀក មានសភាពទន់ និងរលោង។ អ្នកគួរតែលាងវា នៅពេលភ្ញាក់ឡើង ជាមួយនឹងសាប៊ូ pH ជាការស្រេច៕ ដោយ៖ ហង់ ច័ន្ទសុបញ្ញា
