ឡូសអ៊ែនជីឡេស៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២៩ ខែតុលា ឆ្នាំ២០១៩ថា អ្នកស្រុក រាប់ពាន់នាក់ ត្រូវបានបង្ខំឲ្យជម្លៀសខ្លួន ចេញពីផ្ទះរបស់ពួកគេ ក្រោយពីភ្លើងឆេះព្រៃ បានបន្តឆេះកាន់តែខ្លំាង ឡើងៗកាលពីព្រឹថ្ងៃចន្ទ នៅជិតមជ្ឈមណ្ឌលដ៏ល្បីល្បាញ ដែលគេស្គាល់ថា Getty Center នៅក្រុង ឡូសអ៊ែនជី ឡេស នៅប៉ែកខាងលិចនៃរដ្ឋកាលីហ្វ័រនីញ៉ា សហរដ្ឋអាមេរិក ។
អណ្តាតភ្លើងបានឆាបឆេះនៅ Getty នៅវេលាម៉ោង២និង០០នាទីព្រឹក ម៉ោងក្នុងស្រុក ដែលបានឆេះលើផ្ទៃដី ប្រមាណជាង៥០០អារ ស្មើនឹង២គីឡូម៉ែត្រក្រឡា នៅក្នុងរយៈពេលប៉ុន្មានម៉ោងប៉ុណ្ណោះ ។
មានអ្នកស្រុក ប្រមាណជាង១០.០០០នាក់ ត្រូវបានគេធ្វើការជម្លៀសចេញ និងហេដ្ឋារចនាសម្ព័ន្ធពាណិជ្ជកិច្ច នៅក្នុងតំបន់ដែលត្រូវជម្លៀសចេញ ។ នេះបើយោងតាមព័ត៌មានចុងក្រោយ ចេញដោយអង្គភាពពន្លត់អគ្គិភ័យ នៅឡូសអ៊ែនជីឡេស បានឲ្យដឹងដូច្នេះ ។
អង្គភាពខាងលើនេះបានបញ្ជាក់ថា “នេះជាអគ្គិភ័យ ដែលបានឆាបឆេះរហ័សខ្លាំងណាស់ ដែលបានបក់ត្រង់ទៅទិសខាងលិច ដោយកម្លំាងខ្យល់ខ្លាំង” ៕ ប្រែសម្រួលដោយ៖ ម៉ៅ បុប្ផាមករា
