បរទេស៖ ឈុតឆាកមិនធ្លាប់ឃើញ ត្រូវបានលាតត្រដាង នៅពេលការបោះឆ្នោត ចាប់ផ្តើមនៅក្នុងរដ្ឋ West Bengal របស់ឥណ្ឌានៅព្រឹកថ្ងៃច័ន្ទ។ នៅគ្រានោះ លោក Jay Prakash Majumdar ដែលជាអនុប្រធានគណបក្ស West Bengal Bharatiya Janata និងជាបេក្ខជនរបស់គណបក្ស សម្រាប់សភា នៅទីក្រុង Karimpur ត្រូវបានប្រជាជនវាយ និងធាក់ចូលទៅក្នុងគុម្ពោតព្រៃ ដោយក្រុមកម្មករគណបក្ស ប្រឆាំងមួយក្រុម ។
យោងតាមសារព័ត៌មាន Sputnik ចេញផ្សាយកាលពីថ្ងៃទី២៥ ខែវិច្ឆិកា ឆ្នាំ២០១៩ បានឱ្យដឹងថា លោក Jay Prakash Majumdar បានកាន់តំណែងគណបក្សនយោបាយកណ្តាលឆ្វេង Trinamool (TMC) ដែលទទួលខុសត្រូវចំពោះឧប្បត្តិហេតុនេះ។
នៅក្នុងឃ្លីបវីដេអូ គេឃើញមនុស្សមួយក្រុមបានចាប់លោក Majumdar មុនពេល រុញគាត់ចូលក្នុងប្រឡាយ ហើយទាត់គាត់ថែម។
លោក Majumdar កំពុងធ្វើដំណើរទៅកាន់កន្លែងដាក់សន្លឹកឆ្នោត ខណៈការបោះឆ្នោតសភានៅទីក្រុង Karimpur បានចាប់ផ្តើម។
លោក Majumdar បាននិយាយថា ស្នាមរបួសនឹងជាសះស្បើយ ប៉ុន្តែឧប្បត្តិហេតុនេះគឺជាសញ្ញាយ៉ាងច្បាស់នៃ“ ចុងបញ្ចប់នៃលទ្ធិប្រជាធិបតេយ្យ” នៅ West Bengal ។
លោកក៏បាននិយាយផងដែរថា អ្នកវាយប្រហារគឺជាអ្នកបោះឆ្នោតក្លែងក្លាយ ដែលបានមកបន្ទប់បោះឆ្នោតដើម្បីចូលរួមបន្លំបោះឆ្នោត។
អង្គភាពសង្កាត់ Nadia នៃសភា Trinamool បានពណ៌នា ការចោទប្រកាន់នេះថាគ្មានមូលដ្ឋានគ្រឹះដោយនិយាយថា អ្នកស្រុកបានវាយប្រហារមេដឹកនាំ BJP ខណៈពួកគេខឹងនឹងគាត់ចំពោះការបន្ថយ“ បរិយាកាសនៃតំបន់” ៕
ប្រែសម្រួលៈ ណៃ តុលា
