អ្នកជំនាញអាមេរិក អំពាវនាវឱ្យមានការ បន្ធូរបន្ថយទណ្ឌកម្ម សមស្រប នៅលើផ្លូវឆ្ពោះទៅរកការរំសាយ អាវុធនុយក្លេអ៊ែរ កូរ៉េខាងជើង

វ៉ាស៊ីនតោន៖ លោក Siegfried S. Hecker អ្នកវិទ្យាសាស្ត្រនុយក្លេអ៊ែរអាមេរិក ដ៏ល្បីល្បាញបានអំពាវនាវ កាលពីថ្ងៃព្រហស្បតិ៍សប្តាហ៍មុន សម្រាប់ការបន្ធូរបន្ថយការដាក់ទណ្ឌកម្ម លើកូរ៉េខាងជើង ដើម្បីជំរុញការផ្លាស់ប្តូរសេដ្ឋកិច្ចអន្តរកូរ៉េ និងធ្វើឱ្យមានការរីកចម្រើន នៅក្នុងកិច្ចខិតខំប្រឹងប្រែង ដើម្បីលុបបំបាត់អាវុធនុយក្លេអ៊ែរ របស់ប្រទេសកុម្មុយនិស្តមួយនេះ។

លោក Siegfried S. Hecker ដែលត្រូវបានគេស្គាល់ថា មានបទពិសោធផ្ទាល់ជាមួយ កម្មវិធីនុយក្លេអ៊ែររបស់កូរ៉េខាងជើង ក៏បានជំរុញឱ្យទីក្រុងព្យុងយ៉ាង វិលត្រឡប់មកតុចរចាវិញ ដោយសង្កត់ធ្ងន់ថាទីក្រុងវ៉ាស៊ីនតោន បានបង្ហាញឆន្ទៈរបស់ខ្លួន ក្នុងការបង្ហាញភាពបត់បែន ក្នុងការចរចានុយក្លេអ៊ែរ ដែលមិនមានផ្លែផ្កាកន្លងមក។

អ្នកជំនាញរូបនេះបានឲ្យដឹង នៅក្នុងបទសម្ភាសន៍មួយថា “ខ្ញុំនឹងហៅវាថា ជាការបន្ធូរបន្ថយ ទណ្ឌកម្មដែលសមស្រប ខ្ញុំនឹងកែសំរួលពួកគេតាម របៀបដែលជំរុញការ អភិវឌ្ឍសេដ្ឋកិច្ចអន្ដរកូរ៉េ វានឹងទទួលបាន ផលប្រយោជន៍សេដ្ឋកិច្ចខ្លះ” ៕

ដោយ ឈូក បូរ៉ា