វ៉ាស៊ីនតោន៖ របាយការណ៍សន្និសីទ ចុងក្រោយនៃច្បាប់បាន បង្ហាញកាលពីថ្ងៃអង្គារថា សភាសហរដ្ឋអាមេរិក បានព្រមព្រៀងលើច្បាប់ ដែលរឹតត្បិតការដក កងទ័ពអាមេរិកនៅកូរ៉េខាងត្បូង ពីកម្រិតបច្ចុប្បន្ន ២៨.៥០០ ។
គណៈកម្មាធិការសេវាកម្មអាវុធ សម្រាប់សភា និងព្រឹទ្ធសភាបានឯកភាពគ្នាកាលពីថ្ងៃច័ន្ទ លើច្បាប់ចុងក្រោយ នៃច្បាប់ផ្តល់សិទ្ធិការពារជាតិ សម្រាប់ឆ្នាំសារពើពន្ធ២០២០ ដែលផ្តល់សិទ្ធិដល់មូលនិធិ សម្រាប់ក្រសួងការពារជាតិ។
យោងតាមរបាយការណ៍សន្និសីទ ដែលបានភ្ជាប់មកសេចក្តីព្រាងច្បាប់ថ្មីនេះ រឹតត្បិតការប្រើប្រាស់ថវិកា សម្រាប់ការដកកងទ័ពចេញ ពីប្រទេសកូរ៉េខាងត្បូង ដែលជាបញ្ហាមួយដែល ត្រូវបានគេពិនិត្យពិចារណាយ៉ាងខ្លាំង ចំពេលមានការចរចារគ្នា ក្នុងការចែករំលែកតម្លៃរវាងក្រុងសេអ៊ូល និងវ៉ាស៊ីនតោន ៕
ដោយ ឈូក បូរ៉ា
