Nagoya៖ ប្រភពមួយស្និទ្ធនឹងបញ្ហានេះ បាននិយាយថា សហជីពរបស់ក្រុមហ៊ុន Toyota Motor Corp គ្រោងនឹងផ្តោតការយកចិត្តទុកដាក់បន្ថែមទៀត លើការអនុវត្តនៅពេលកំណត់ប្រាក់ខែ របស់កម្មករជាជាងបន្តប្រព័ន្ធបច្ចុប្បន្ន ដែលអតីតភាពការងារ គឺជាលក្ខណៈវិនិច្ឆ័យចម្បង យោងតាមការចេញផ្សាយ ពីគេហទំព័រជប៉ុនធូដេ។
គោលនយោបាយរបស់សហជីព Toyota ត្រូវបានគេប្រើយ៉ាងទូលំទូលាយ ជាអ្នកកំណត់ស្តង់ដារ សម្រាប់ការចរចាប្រាក់ឈ្នួល ប្រចាំឆ្នាំនៅទូទាំងប្រទេសជប៉ុន រៀងរាល់រដូវផ្ការីក។ ប្រព័ន្ធបានស្នើនេះ ឆ្លុះបញ្ចាំងពីបំណងប្រាថ្នា របស់អ្នកគ្រប់គ្រងនឹងបង្កើនឱកាស ដែលគម្លាតប្រាក់ឈ្នួល កាន់តែច្រើនអាចកើតឡើង រវាងសមាជិកសហជីពនៅ Toyota ។
ការផ្លាស់ប្តូរគោលនយោបាយនេះ កើតឡើងនៅពេល ក្រុមហ៊ុនផលិតរថយន្តធំជាងគេរបស់ជប៉ុន ប្រឈមមុខនឹងបរិយាកាសទីផ្សារ ដែលមានការលំបាកដោយឧស្សាហកម្មនេះ បានផ្លាស់ប្តូរទៅជាយានយន្ត ប្រើថាមពលអគ្គិសនី និងស្វ័យភាពនឹងធ្វើឲ្យក្រុមហ៊ុន កំពុងសម្លឹងមើលឃើញកាន់តែ ប្រសើរឡើងនូវការប្រកួតប្រជែងរបស់ខ្លួន។
ប្រភពដដែលបានបន្តថា សមាជិកសហជីពមួយចំនួន បានអំពាវនាវឲ្យមានការណែនាំ អំពីប្រព័ន្ធដែលប្រាក់ឈ្នួល ត្រូវបានគេសម្រេចចិត្តផ្អែកលើមូលដ្ឋាន នៃការអនុវត្តការងារ។ នៅក្នុងការប្រជុំ នៃសហព័ន្ធធុរកិច្ចជប៉ុន ដែលជាក្រុមបញ្ចុះបញ្ចូលធំជាងគេ ដែលគេហៅថា Keidanren។
លោកនាយករដ្ឋមន្រ្តីស៊ីនហ្សូ អាបេបានអំពាវនាវ ឲ្យមេដឹកនាំធុរកិច្ច បង្កើនប្រាក់ឈ្នួលជាឆ្នាំទី ៧ ជាប់ៗគ្នាដែលលោក បានធ្វើសំណើបែបនេះ មុនពេលការចរចាប្រាក់ឈ្នួលបានចាប់ផ្តើម។ លោកអាបេបានមានប្រសាសន៍ថា អ្វីដែលសំខាន់គឺការវិនិយោគលើធនធានមនុស្ស។
លោកបាននិយាយថា “ខ្ញុំកំពុងទន្ទឹងរង់ចាំ” ដើម្បីបន្តដំឡើងប្រាក់ឈ្នួល សម្រាប់រដូវផ្ការីកបន្ទាប់។ Keidanren រក្សាជំហររបស់ខ្លួន ក្នុងការតម្លើងប្រាក់ឈ្នួល នៅក្នុងកិច្ចចរចាប្រាក់ឈ្នួលនិទាឃរដូវនៅឆ្នាំ ២០២០ ខណៈការអំពាវនាវ ឲ្យមានការពិនិត្យឡើងវិញទ្រង់ទ្រាយធំ នៃប្រព័ន្ធការងារនិងប្រាក់ឈ្នួលតាមបែបជប៉ុន ដើម្បីទាក់ទាញទេពកោសល្យ៕ ដោយ៖លី ភីលីព
