ចិន៖ ការហោះហើរសាកល្បងលើកទី៦ និងចុងក្រោយនៃយន្តហោះ C919 ជាយន្តហោះដឹកអ្នកដំណើរធំបំផុយ ផលិតក្នុងស្រុករបស់ប្រទេសចិន បានចូលរួមក្នុងការហោះហើរសាកល្បង នៅទីក្រុងសៀងហៃ បង្ហាញថា គំរូនេះស្ថិតនៅលើផ្លូវ ដែលលឿនជាងមុន ដើម្បីទទួលបានវិញ្ញាបនប័ត្រ ភាពមានតំលៃមុនពេលចូលទីផ្សារ យោងតាមការចេញផ្សាយ ពីគេហទំព័រឆៃណាឌៀលី
លេខកូដនៃយន្តហោះសាកល្បងទី៦ ត្រូវបានគេស្គាល់ថា ជាគំរូ ១០៦ ត្រូវបានហោះចេញនៅម៉ោង ១០ និង ១៥ នាទីព្រឹក ពីអាកាសយានដ្ឋានអន្តរជាតិ Shanghai Pudong ហើយបានហោះហើររយៈពេល ២ ម៉ោង ៥ នាទី មុនពេលត្រឡប់មក អាកាសយានដ្ឋានវិញ ដោយជោគជ័យ។ យន្ដហោះបានបញ្ចប់ការធ្វើតេស្ត ចំនួន ៣០ រួមទាំងការធ្វើតេស្ត ទាក់ទងនឹងភ្លើងកាប៊ីន និងសំឡេងខាងក្រៅ។
ក្រុមហ៊ុនផលិតយន្តហោះដឹកអ្នកដំណើរ របស់ប្រទេសចិន បាននិយាយថា រហូតមកដល់ពេលនេះ ការធ្វើតេស្តឋិតិវន្តរបស់យន្តហោះ C919 ត្រូវបានបញ្ចប់ ហើយដំណើរការផលិតបាន ចាប់ផ្តើមនៅលើយន្តហោះដំបូង ត្រូវបានប្រគល់ជូនអតិថិជន។
COMAC បាននិយាយថា យន្តហោះសាកល្បង C919 ចំនួន ៥ គ្រឿងដំបូងគឺយន្តហោះ ១០១, ១០២, ១០៣, ១០៤, ១០៥ និង ១០៥ កំពុងធ្វើការហោះហើរ សាកល្បងបន្ថែមទៀត នៅមូលដ្ឋានសាកល្បងជាច្រើន រួមមានតំបន់ ពូឌុងតំបន់ថ្មីនៃសៀងហៃ ស្រុកយ៉ានឡាំងនៃស៊ីអាន ខេត្តសានអានស៊ី ភាគពាយ័ព្យប្រទេសចិន ដុងដុងនៅខេត្តសានដុង ប្រទេសចិន និងណានឆាង ក្នុងខេត្តជាំងស៊ី ប្រទេសចិន៕ ដោយ៖លី ភីលីព
