សេអ៊ូល៖ មេដឹកនាំកូរ៉េខាងជើងលោក គីម ជុងអ៊ុនបានលេីកឡេីងថា លោកមើលឃើញថាគ្មានហេតុផល ណាមួយ ដើម្បីប្រកាន់ខ្ជាប់នូវការ ប្តេជ្ញាចិត្ត របស់លោកក្នុងការផ្អាកការសាកល្បងមីស៊ីល នុយក្លេអ៊ែរ និងមីស៊ីលរយៈចម្ងាយ ឆ្ងាយនោះទេហើយនឹងបង្ហាញនូវ“ អាវុធយុទ្ធសាស្ត្រថ្មី” ឆាប់ៗនេះ ដោយចោទប្រកាន់ សហរដ្ឋអាមេរិកថា បានជាប់គាំងសម្រាប់ពេលវេលា សម្រាប់នយោបាយ ផ្ទាល់ខ្លួន។
ទោះយ៉ាងណាក៏ដោយលោកគីម ហាក់ដូចជាបានចាកចេញពីកន្លែងសម្រាប់ ការចរចាខណៈដែលលោកក៏បាននិយាយ នៅក្នុងកិច្ចប្រជុំគណៈកម្មាធិការកណ្តាលនៃ គណបក្សកម្មករដែលកំពុងកាន់អំណាចថាតើកូរ៉េខាងជើង អាចបង្កើន“ ការរារាំងនុយក្លេអ៊ែរ របស់ខ្លួន” នឹងអាស្រ័យលើអាកប្បកិរិយា របស់សហរដ្ឋអាមេរិកនាពេលអនាគត។
លោកគីម បានបន្ថែមថាវាជាផ្នែកមួយនៃកិច្ចខិតខំប្រឹងប្រែង របស់លោកក្នុងការ កសាងទំនុកចិត្តជាមួយសហរដ្ឋអាមេរិក ដែលលោកបានផ្អាកការសាកល្បង អាវុធនុយក្លេអ៊ែរ និងមីស៊ីលផ្លោងអន្តរទ្វីប (ICBM) ប៉ុន្តែទីក្រុងវ៉ាស៊ីនតោន បានឆ្លើយតបជាមួយ នឹងសមយុទ្ធយោធារួមគ្នាជាមួយកូរ៉េខាងត្បូង និងការដាក់ទណ្ឌកម្មបន្ថែមទៀត ទៅលើក្រុងព្យុងយ៉ាង៕ ដោយ ឈូក បូរ៉ា
