បាងកក: ទីភ្នាក់ងារចិនស៊ិនហួ ចេញផ្សាយនៅថ្ងៃព្រហស្បតិ៍ទី២ ខែមករាបានឲ្យដឹងថា មនុស្សសរុប ៣១៧នាក់ បានបាត់បង់ជីវិត និង ៣១៦០នាក់ផ្សេងទៀត បានរងរបួសដោយសារ គ្រោះថ្នាក់ចរាចរណ៍ក្នុងឱកាសបុណ្យចូលឆ្នាំថ្មី នៅប្រទេសថៃ។
គួរឲ្យដឹងថាការបញ្ចូលតួលេខ ត្រូវបានធ្វើឡើងគិតចាប់ពីថ្ងៃទី២៧ ខែធ្នូ ដល់ថ្ងៃទី១ ខែមករាដោយលទ្ធផល រកឃើញទៀតថា ករណីគ្រោះថ្នាក់លើផ្លូវ ធ្វើដំណើរមានទៅដល់ ៣០៧៦ករណី ក្នុងនោះ ៣៩ភាគរយ ដោយសារអ្នកបើកបរ មានសារធាតុស្រវឹង ២៨ភាគរយដោយសារបើកបរហួសល្បឿន ហើយក្នុងនោះ ៧៩ភាគរយនៃករណីទាំងនោះគឺបង្កឡើង ដោយទោចក្រយានយន្ត។
ក្នុងចំណោមអ្នកស្លាប់ និងរបួសទាំងនោះត្រូវបាន រាយការណ៍ក្នុងរដូវចូលឆ្នាំថ្មីមនុស្ស ១៤នាក់ បានស្លាប់ដោយសារ គ្រោះថ្នាក់ចរាចរណ៍នៅទីក្រុងបាងកក ដែលមានអត្រាអ្នកស្លាប់ខ្ពស់ ជាងគេក្នុងចំណោមបណ្តាខេត្តទូទាំងប្រទេសខណៈ ១០០នាក់ផ្សេងទៀត បានរងរបួសដោយសារគ្រោះថ្នាក់ចរាចរណ៍ នៅខេត្តសុងក្លា នៅភាគខាងត្បូងប្រទេសថៃ៕
ប្រែសម្រួល: ស៊ុន លី
