បរទេស៖ អ្នកការទូតជាន់ខ្ពស់អាមេរិកម្នាក់ បានផ្តោតទៅលើលោក Esmail Ghaani ដែលបានទទួលតំណែង ក្រោយការសម្លាប់ឧត្ដមសេនីយ៍ Soleimani ដោយគំរាមថា ប្រមុខថ្មីនៃក្រុមវរជនអ៊ីរ៉ង់រូបនេះ អាចនឹងត្រូវបញ្ចប់ដូចមេបញ្ជាការ Soleimani ដែរ ប្រសិនបើគាត់សម្លាប់ ជនជាតិអាមេរិក។
យោងតាមសារព័ត៌មាន RT ចេញផ្សាយនៅថ្ងៃទី២៣ ខែមករា ឆ្នាំ២០២០ បានឱ្យដឹងដោយផ្អែកតា មការលើកឡើងរបស់លោក Brian Hook តំណាងពិសេសអាមេរិក ទទួលបន្ទុកកិច្ចការអ៊ីរ៉ង់ និយាយនៅក្នុង បទសម្ភាសន៍ជាមួយកាសែត Asharq al-Awsatថា «ប្រសិនបើឧត្តមសេនីយ៍ Esmail Ghaani ដែលជាប្រធានថ្មីនៃកម្លាំង Quds ដដែលជាផ្នែកសម្ងាត់ នៃក្រុមឆ្មាំបដិវត្តអ៊ីស្លាមឥស្សរជន (IRGC) – ដើរតាមមាគ៌ាតែមួយនៃការសម្លាប់ជនជាតិអាមេរិក នោះគាត់នឹងជួបវាសនាដូចគ្នា»។
លោក Hook បានបន្ថែមថា «យើងនឹងគ្រប់គ្រងរបបនិងភ្នាក់ងាររបស់ខ្លួន ដែលទទួលខុសត្រូវចំពោះ ការវាយប្រហារណាមួយទៅលើផលប្រយោជន៍អាមេរិកាំង ឬផលប្រយោជន៍អាមេរិកនៅក្នុងតំបន់» ។
ការគំរាមគំហែងនេះ បានកើតឡើងនៅពេល ដែលពិភពលោក បានងើបចេញពីការ ប្រឈមមុខដាក់គ្នារវាងអ៊ីរ៉ង់ – អាមេរិក ដែលបណ្តាលមកពីការសម្លាប់ គោលដៅរបស់ឧត្តមសេនីយ៍ Qassem Soleimani នៅខាងក្រៅអាកាសយានដ្ឋាន Baghdad កាលពីដើមខែមករា។ ការសម្លាប់នេះ លោក Hook បាននិយាយថា“ នឹងបង្កើតភាពខ្វះចន្លោះដែល របបអ៊ីរ៉ង់នឹងមិនអាចបំពេញបាន៕
ប្រែសម្រួលៈ ណៃ តុលា
