បរទេស៖ សប្តាហ៍ទី ១ នៃខែមករា ឃើញមានភាពតានតឹងយ៉ាងខ្លាំង រវាងសហរដ្ឋអាមេរិកនិងអ៊ីរ៉ង់ បន្ទាប់ពីការធ្វើឃាតលោក Qasem Soleimani មេបញ្ជាការកងកងម្លាំងពិសេស Quds របស់កងកម្លាំងឆ្មាំបដិវត្តឥស្លាមអ៊ីរ៉ង់។ អ៊ីរ៉ង់បានសងសឹក ដោយវាយលុកមូលដ្ឋានទ័ពនៅអ៊ីរ៉ាក់ ដែលមានទ័ពអាមេរិកឈរជើង។
យោងតាមសារព័ត៌មាន Sputnik ចេញផ្សាយនៅថ្ងៃទី០៧ ខែកុម្ភៈ ឆ្នាំ២០២០ បានឱ្យដឹងថា លោក Amirali Hajizadeh ប្រធានកងពលអាកាស នៃបញ្ជាការឆ្មាំបដិវត្តបដិវត្ត (IRGC) បាននិយាយថា អ៊ីរ៉ង់នឹងបង្ហាញព័ត៌មានថ្មីៗទៀត អំពីការវាយប្រហារមីស៊ីល ទៅលើមូលដ្ឋានអាមេរិកនៅអ៊ីរ៉ាក់។
កាលពីថ្ងៃទី ៨ ខែមករា រដ្ឋាភិបាលទីក្រុងតេអេរ៉ង់ បានបាញ់មីស៊ីលនៅតាមមូលដ្ឋាន ក្នុងប្រទេសអ៊ីរ៉ាក់ ដែលមានយោធាអាមេរិកឈរជើង ក្នុងការសងសឹកប្រឆាំង នឹងការសម្លាប់ឧត្តមសេនីយ៍អ៊ីរ៉ង់ Qasem Soleimani ។
សមាជិកសេវាកម្មអាមេរិកចំនួន ៦៤ នាក់ត្រូវបានគេធ្វើរោគវិនិច្ឆ័យថា មានការប៉ះទង្គិចគ្នា និងរងរបួសខួរក្បាល បន្ទាប់ពីអ៊ីរ៉ង់បានបាញ់មីស៊ីល ទៅលើមូលដ្ឋានចំនួនពីរ នៅក្នុងប្រទេសអ៊ីរ៉ាក់។
លោកឧត្តមសេនីយ Ramezan Sharif បានមានប្រសាសន៍ថា សហរដ្ឋអាមេរិកកំពុងប្រើ ពាក្យ“ ការរងរបួសខួរក្បាល ពីការវាយប្រហារទៅលើ មូលដ្ឋាន Ayn al-Asad ជាពាក្យប្រៀបធៀប សម្រាប់ទាហានអាមេរិកដែលបានស្លាប់” ពីព្រោះពួកគេស្ទាក់ស្ទើរ ក្នុងការប្រកាសចំនួនអ្នកស្លាប់ ពីការវាយប្រហាររបស់អ៊ីរ៉ង់។
ភាពតានតឹងនៅមជ្ឈឹមបូព៌ា បានកើនឡើងនៅដើមខែមករា បន្ទាប់ពីការសម្លាប់ Qasem Soleimani ដោយសារការវាយប្រហារ ដោយយន្តហោះគ្មានមនុស្ស បើករបស់អាមេរិក។ យោងតាមវ៉ាស៊ីនតោនលោក Soleimani ត្រូវបានគេចោទប្រកាន់ថា បានចូលរួមក្នុងផែនការវាយប្រហារ លើស្ថានទូតអាមេរិកនៅអ៊ីរ៉ាក់៕ ប្រែសម្រួលៈ ណៃ តុលា
