ចិន ដកតំណែង មន្ត្រីជាន់ខ្ពស់ច្រើននាក់ ក្នុងពេលអ្នកស្លាប់ ដោយជំងឺកើន លើសពី១០០០នាក់

BBC៖ ប្រទេសចិន បានដកមន្ត្រីជាន់ខ្ពស់ ជាច្រើនរូបចេញពីតំណែង ដោយសារការដោះស្រាយ ការឆ្លងវីរុសរលាកសួតកូរ៉ូណា ចំនួនអ្នកស្លាប់កើន ដល់លើសពី ១.០០០ នាក់។

យោងតាមសារព័ត៌មាន BBC ចេញផ្សាយនៅល្ងាចថ្ងៃទី១១ ខែកុម្ភៈ ឆ្នាំ២០២០ថា លេខាធិការគណបក្ស សម្រាប់គណៈកម្មការ សុខាភិបាលខេត្តហ៊ូប៉ី និងប្រធានគណៈកម្មការ គឺស្ថិតក្នុងចំណោមអ្នក ដែលបាត់បង់ការងារ។

ពួកគេគឺជាមន្រ្តីជាន់ខ្ពស់បំផុត ដែលត្រូវបានគេទម្លាក់ពីតំណែង ។

នាយករងកាកបាទក្រហម ក្នុងតំបន់ ក៏ត្រូវបានដកហូតតំណែងពីបទ “ មិនគោរពកាតព្វកិច្ច” ចំពោះ“ ការដោះស្រាយការបរិច្ចាគ” ៕
ប្រែសម្រួលៈ ណៃ តុលា