សេអ៊ូល៖ កងទ័ពជើងទឹកកូរ៉េ បានឲ្យដឹងកាលពីថ្ងៃពុធថា ប្រទេសកូរ៉េខាងត្បូង បានសម្រេចបញ្ជូនទាហានតែជាង ២០នាក់ប៉ុណ្ណោះទៅប្រទេសថៃ ដើម្បីធ្វើសមយុទ្ធពហុជាតិ ជាជាងទាហានរាប់រយនាក់ ដូចដែលបានគ្រោងទុក ដោយសារតែមានការព្រួយបារម្ភ អំពីមេរោគកូរ៉ូណាថ្មីនេះ។
កងនាវាចរកូរ៉េខាងត្បូង និងកងម៉ារីន កាលពីដំបូងមានគម្រោង បញ្ជូនបុគ្គលិកសេវាកម្មប្រហែល ៤០០ នាក់ក៏ដូចជារថពាសដែក វាយលុកចំនួន ៨ គ្រឿងនៅលើនាវាកងទ័ពជើងទឹកមួយ ដើម្បីធ្វើសមយុទ្ធ Cobra Gold លើកទី ៣៩ ដែលឧបត្ថម្ភ ដោយកងកម្លាំងប្រដាប់អាវុធថៃ និងអាមេរិកដែលបានកំណត់ ធ្វើឡើងចាប់ពីថ្ងៃទី២៥ ខែកុម្ភៈដល់ថ្ងៃទី០៦ ខែមីនា។
កងទ័ពជើងទឹកបានឲ្យដឹងទៀតថា ប៉ុន្តែយោធាបានសម្រេច បញ្ជូនសមាជិកសេវាកម្មជាន់ខ្ពស់ ប្រហែល ៣០ នាក់ប៉ុណ្ណោះ ដើម្បីចូលរួមក្នុងសមយុទ្ធបញ្ជាការមួយកន្លែង (CPX) ។ កងទ័ពជើងទឹកបានបន្ថែមថា ប្រទេសនេះនឹងរំលងសមយុទ្ធនៅពេលនេះ ដើម្បីកុំអោយមានកងកំលាំងយោធា និងកងកំលាំងម៉ារីន ត្រូវបានដាក់ពង្រាយ៕ ដោយ៖ ឈូក បូរ៉ា
