សហរដ្ឋអាមេរិក នឹងផ្តល់ការគាំទ្រ ផ្នែកហិរញ្ញវត្ថុ សម្រាប់កំណែទម្រង់ នយោបាយ នៃប្រទេសអេត្យូពី

បរទេស ៖ សហរដ្ឋអាមេរិក នឹងផ្តល់ជំនួយផ្នែក ហិរញ្ញវត្ថុដល់ប្រទេសអេត្យូពី ស្របពេលដែលប្រទេសនេះខិត ខំធ្វើកំណែទម្រង់នយោបាយ នេះបើតាមអ្វី ដែលការិយាល័យ របស់លោកនាយករដ្ឋមន្ត្រី Abiy Ahmed និយាយនៅថ្ងៃអង្គារ ក្នុងអំឡុងដំណើរទស្សនកិច្ច របស់រដ្ឋមន្ត្រីការបរទេសសហរដ្ឋអាមេរិក។

សេចក្តីថ្លែងការណ៍ របស់ការិយាល័យនាយក រដ្ឋមន្ត្រីអេត្យូពី បាននិយាយដូច្នេះថា “កិច្ចព្រមព្រៀងមួយត្រូវបានធ្វើឡើង ចំពោះការពង្រឹង កំណែទម្រង់បែបសន្តនិយម និងកំពុងតែប្រព្រឹត្តទៅ នៅក្នុងប្រទេសអេត្យូពី ជាទីដែលរដ្ឋាភិបាល សហរដ្ឋអាមេរិក គ្រោងផ្តល់ឲ្យការគាំទ្រផ្នែកហិរញ្ញវត្ថុបន្តបន្ទាប់”។

គួរបញ្ជាក់ថា ប្រទេសអេត្យូពី គឺជាប្រទេសមានប្រជាជនច្រើនបំផុត លំដាប់ទីពីរនៅតំបន់អាហ្វ្រិកនេះ គឺជាសម្ពន្ធមិត្តជាយូរមកហើយរបស់សហរដ្ឋអាមេរិក ដែលផ្គត់ផ្គង់ផ្តល់ប្រាក់ប្រមាណ១ពាន់លានដុល្លារ ឲ្យជារៀងរាល់ឆ្នាំ ៕
ប្រែសម្រួល៖ប៉ាង កុង