សេអ៊ូល៖ ក្រសួងបង្រួបបង្រួមជាតិ បានឲ្យដឹងថា ប្រទេសកូរ៉េខាងត្បូង នឹងពិចារណាលើសំណើ របស់ទីភ្នាក់ងារអន្តរជាតិ សម្រាប់ជំនួយក្នុងកិច្ច ខិតខំប្រឹងប្រែង ដើម្បីជួយដល់ ប្រទេសកូរ៉េខាងជើង នូវវិធានការបង្ការជំងឺ ឆ្លងវីរុសកូរ៉ូណា ប្រសិនបើមានសំណើ ជាផ្លូវការពីក្រុមជំនួយ។
ប្រទេសកូរ៉េខាងជើង បានអះអាងម្តងហើយម្តងទៀតថា មិនមានការផ្ទុះឡើងនៃការឆ្លងមេរោគកូរ៉ូណា ឬកូវីដ-១៩ នៅលើទឹកដីរបស់ខ្លួននោះទេ ប៉ុន្តែតាមសេចក្តីរាយការណ៍ បានស្នើសុំជំនួយពីខាងក្រៅ ក្នុងកិច្ចប្រឹងប្រែងបង្ការទូទាំងប្រទេស របស់ខ្លួនប្រឆាំង នឹងវីរុសឆ្លងដ៏ខ្លាំងក្លាមួយនេះ។
លោក Yoh Sang-key អ្នកនាំពាក្យក្រសួង បានប្រាប់សន្និសីទ សារព័ត៌មានប្រចាំថ្ងៃមួយ ក្នុងការឆ្លើយតប ទៅនឹងសំណួរថា តើរដ្ឋាភិបាល មានឆន្ទៈក្នុងការផ្តល់ជំនួយប្រឆាំង មេរោគដល់កូរ៉េខាងជើងដែរឬទេ? ប្រសិនបើមានសំណើពី ទីភ្នាក់ងារអន្តរជាតិ ៕
ដោយ ឈូក បូរ៉ា
