តូក្យ៖ ប្រទេសជប៉ុន បានកត់ត្រាឱនភាពពាណិជ្ជកម្មសម្រាប់ខែមករា ដោយសារការនាំចេញបានធ្លាក់ចុះ ចំពេលមានការព្រួយបារម្ភ អំពីការរីករាលដាលនៃវីរុសថ្មី ដែលអាចធ្វើឲ្យកំណើនសេដ្ឋកិច្ចក្នុងតំបន់បាត់បង់ជីវិត នេះបើយោងតាមការចេញផ្សាយ ពីគេហទំព័រជប៉ុនធូដេ។
ក្រសួងហិរញ្ញវត្ថុជប៉ុន បាននិយាយនៅក្នុងរបាយការណ៍មួយថា ឱនភាពពាណិជ្ជកម្មសម្រាប់ខែមុន មានចំនួនសរុប ១,៣ ពាន់ពាន់លានយ៉េន។ នោះគឺជាឱនភាពពាណិជ្ជកម្ម រយៈពេល៣ខែជាប់ៗគ្នា សម្រាប់សេដ្ឋកិច្ចធំបំផុតទី៣ របស់ពិភពលោក។
កាលពីខែតុលា ប្រទេសនេះបានគ្រប់គ្រង អតិរេកពាណិជ្ជកម្មមួយភាគធំ ដោយសារតែការធ្លាក់ចុះតម្លៃប្រេងឆៅ បានប៉ះប៉ូវការធ្លាក់ចុះ នៃការនាំចេញ។ ការនាំចេញ និងការនាំចូលរបស់ជប៉ុនទៅចិន បានធ្លាក់ចុះកាលពីខែមករា ចំណែកការនាំចេញ និងនាំចូលទៅអាមេរិក ក៏បានធ្លាក់ចុះក្នុងខែនេះដែរ។
ការផ្ទុះឡើងនៃ CODIV-19 បានចាប់ផ្តើមនៅចុងឆ្នាំមុន បញ្ឈប់ផលិតកម្មរោងចក្រ និងការធ្វើដំណើរស្ទ្រីម បាននិងកំពុងធ្វើឲ្យមានការព្រួយបារម្ភកាន់តែខ្លាំង អំពីសេដ្ឋកិច្ចចិនដែលជាកត្តាជំរុញដ៏សំខាន់ នៃកំណើនក្នុងតំបន់។ ការព្រួយបារម្ភបែបនេះ បានបន្ថែមទៅលើអ្វីដែលបានកំណត់មុន ដោយគោលនយោបាយពាណិជ្ជកម្ម របស់ប្រធានាធិបតីអាមេរិកលោក Donald Trump៕ ដោយ៖លី ភីលីព
