គែរ៖ ទីភ្នាក់ងារអាកាសចរណ៍ស៊ីវិល របស់ប្រទេសកូវ៉ែត បានប្រកាសកាលពីថ្ងៃច័ន្ទថា ដោយអនុលោមទាំងតាមការណែនាំ របស់ក្រសួងសុខាភិបាល ខ្លួនបានផ្អាកជើងហោះហើរទាំងអស់ ទាំងទៅនិងមកពីប្រទេសថៃ កូរ៉េខាងត្បូង និងអ៊ីតាលី បន្ទាប់ពីមានរបាយការណ៍ នៃការផ្ទុះឡើងនៃវីរុសឆ្លង កូរ៉ូណា ឬ Covid-19 នៅក្នុងប្រទេសទាំងនេះ។
យោងតាមសារព័ត៌មាន Bangkok Post ចេញផ្សាយនៅថ្ងៃទី២៥ ខែកុម្ភៈ ឆ្នាំ២០២០ បានឱ្យដឹងថា មុននេះកូវ៉ែតបានផ្អាក រាល់ជើងហោះហើររបស់ខ្លួន ទៅនិងមកពីអ៊ីរ៉ាក់ ជុំវិញការភ័យខ្លាច អំពីមេរោគឆ្លងនេះ។
ចំនួនអ្នកឆ្លងវីរុសនៅកូវ៉ែត បានកើនឡើងដល់ ៥ នាក់ ខណៈដែលកូរ៉េខាងត្បូងរាយការណ៍ថា មាន ៧៦៣ ករណី ហើយមនុស្ស ៧ នាក់បានស្លាប់ ហើយមនុស្សជាង ២២០ នាក់បានឆ្លងវីរុសនៅអ៊ីតាលី៕ ប្រែសម្រួលៈ ណៃ តុលា
