សេអ៊ូល៖ ប្រទេសកូរ៉េខាងត្បូង រាយការណ៍ពីករណីឆ្លងវីរុសនេះ ចំនួន ៤៣៨ ករណីនៅថ្ងៃព្រហស្បតិ៍ ដោយនាំយកចំនួនអ្នកឆ្លង សរុបរបស់ប្រទេសនេះដល់ ៥.៧៦៦ នាក់ដោយការឆ្លងវីរុសថ្មីៗភាគច្រើន នៅតែត្រូវបានរកឃើញ នៅក្នុងទីក្រុងដាហ្គូ ភាគអាគ្នេយ៍ដែលជាចំណុចកណ្តាល នៃការផ្ទុះវីរុស នៅក្នុងប្រទេសនេះ។
យោងតាមមជ្ឈមណ្ឌលកូរ៉េ សម្រាប់ការត្រួតពិនិត្យ និងការពារជំងឺ (KCDC) បានឱ្យដឹងថាករណីបន្ថែមចំនួន ៤៣៨ ករណីដែលត្រូវបានរកឃើញ កាលពីថ្ងៃពុធបាន តាមដានករណីថ្មីចំនួន ៥១៦ ត្រូវបានរកឃើញកាលពីថ្ងៃអង្គារ និង ៦០០ ករណីនៅថ្ងៃច័ន្ទ។
KCDC បានឲ្យដឹងថា រហូតមកដល់ពេលនេះ មនុស្ស ៣៥ នាក់ដែលភាគច្រើន ជាអ្នកជំងឺវ័យចំណាស់ ដែលមានជំងឺមូលដ្ឋាន បានស្លាប់នៅក្នុងប្រទេសកូរ៉េខាងត្បូង ដោយសារវីរុសផ្លូវដង្ហើម ដែលបានលេចឡើង នៅក្នុងប្រទេសចិន កាលពីចុងឆ្នាំមុន៕
ដោយ ឈូក បូរ៉ា
