អាមេរិក៖សហគមន៍អ៊ឺរ៉ុប បានថ្កោលទោស ចំពោះការសម្រេចចិត្ត របស់ប្រធានាធិបតី អាមេរិកលោក Donald Trump ក្នុងការបញ្ឈប់ការ ធ្វើដំណើរពីតំបន់ Schengen នៅអឺរ៉ុបទៅកាន់សហរដ្ឋអាមេរិក ក្នុងគោលបំណង ដើម្បីប្រយុទ្ធប្រឆាំងនឹងការផ្ទុះឡើង នៃមេរោគឆ្លងវីរុសនេះ យោងតាមការចេញផ្សាយពីគេហទំព័រ ឆៃណាឌៀលី។
ការព្យួរនេះនឹងត្រូវអនុវត្តរយៈពេល ៣០ ថ្ងៃហើយនឹងចូលជាធរមាន នៅថ្ងៃសុក្រវេលាម៉ោង ១១ និង ៥៩ នាទីយប់ម៉ោង នៅអាមេរិកខាងកើត ។ ប្រធានក្រុមប្រឹក្សា សហភាពអឺរ៉ុបលោក Charles Michel និងប្រធានគណៈកម្មការអឺរ៉ុប បាននិយាយក្នុង សេចក្តីថ្លែងការណ៍រួម “ សហភាពអឺរ៉ុប មិនពេញចិត្ត ចំពោះការសេចក្តីសម្រេចចិត្ត របស់សហរដ្ឋអាមេរិក ក្នុងការហាមឃាត់ការធ្វើដំណើរ ត្រូវបានធ្វើឡើងជាឯកតោភាគី និងដោយគ្មានការពិគ្រោះយោបល់ ។
ពួកគេបាននិយាយថា មេរោគនេះគឺជាវិបត្តិសកល មិនត្រូវបានកំណត់ ចំពោះទ្វីបណាមួយទេហើយវាតម្រូវឲ្យមានកិច្ច សហប្រតិបត្តិការជាជាង សកម្មភាពឯកតោភាគី។ លោក Michel បានបន្ថែមទៀតថា ការរំខានខាងសេដ្ឋកិច្ច ត្រូវតែជៀសវាង ។
ពួកគេបានច្រានចោល ការលើកឡើងរបស់លោក Trump ដែលថាអឺរ៉ុបមិនមានសកម្មភាពគ្រប់គ្រាន់ ដើម្បីប្រយុទ្ធប្រឆាំងនឹងវីរុសនេះទេ ដោយនិយាយថា ប្លុកទាំង ២៧ ប្រទេសនេះកំពុងចាត់វិធានការខ្លាំងក្លា ដើម្បីកំណត់ការរីករាលដាល នៃវីរុសនេះ។ រដ្ឋជាសមាជិកសហភាពអ៊ឺរ៉ុបទាំងអស់ បានរាយការណ៍ពីការឆ្លងនៃ COVID-១៩ មានចំនួនករណី សរុបនៅក្នុងប្លុកលើសពី ២២.០០០ នាក់៕
ដោយ៖លី ភីលីព
