បរទេស៖ នាយករដ្ឋមន្ត្រីជប៉ុន លោក ស៊ីនហ្ស៊ូ អាបេ នៅថ្ងៃសៅរ៍នេះ តាមសេចក្តីរាយការណ៍ បានមានប្រសាសន៍ថា ការផ្ទុះឡើងនៃកូរ៉ូណាវីរុស ក្នុងប្រទេសជប៉ុន មិនមែនស្ថិតនៅក្នុងដំណាក់កាល តម្រូវឲ្យរដ្ឋាភិបាល ធ្វើការប្រកាសភាពអាសន្ននោះទេ។
លោក អាបេ ដែលបានថ្លែងយ៉ាងដូច្នោះ នៅក្នុងសន្និសីទកាសែតមួយ ក្នុងទីក្រុងតូក្យូនោះ ក៏បានមានប្រសាសន៍ យ៉ាងដូច្នេះផងដែរថា អ្នកជំនាញបានធ្វើការសន្និដ្ឋានថា ប្រទេសជប៉ុន មិនឃើញមានការផ្ទុះឆ្លងខ្លាំង ក្នុងករណីកូរ៉ូណាវីរុស នោះឡើយ។
គួរបញ្ជាក់ថា ចំនួនករណីកូរ៉ូណាវីរុស នៅក្នុងប្រទេសជប៉ុន បានកើនឡើងដល់ចំនួន១.៤២៣ករណី នៅត្រឹមថ្ងៃសៅរ៍នេះ នេះបើយោងតាមការផ្សាយ របស់ទូរទស្សន៍ NHK ហើយចំនួនឆ្លងសរុប ១.៤២៣នេះ រួមមាន ៦៩៧ករណី មកពីនាវាកម្សាន្ត Diamond Princess និងមនុស្ស១៤នាក់ ដែលវិលត្រឡប់មកពី ប្រទេសប្រទេសចិន៕
ប្រែសម្រួល៖ប៉ាង កុង
