បរទេស ៖ ទូរទស្សន៍BBCចេញផ្សាយ នៅថ្ងៃព្រហស្បតិ៍ទី២៦ ខែមិនានេះបានឲ្យដឹងថា បុរសម្នាក់ដែលត្រូវបានគេដឹងថា បានរៀបចំផែនការបំផ្ទុះ មន្ទីរពេទ្យមួយកន្លែង ដែលកំពុងទទួលព្យាបាល អ្នកជំងឺដោយសារវិរុសកូរ៉ូណា នៅក្នុងរដ្ឋMissouriនោះ ត្រូវបានបាញ់សម្លាប់ហើយ ដោយក្រុមភ្នាក់ងារស៊ើប ការណ៍ពិសេសFBIនៅថ្ងៃនេះ។
ការប្រឈមមុខដាក់គ្នា ត្រូវបានធ្វើឡើង នៅពេលដែលFBI បានព្យាយាមចូល ទៅចាប់ខ្លួនបុរស ដែលត្រូវបានដឹងថា ស្ថិតនៅក្នុងវ័យ៣៦ឆ្នាំរូបនេះ។ ប្រភពដដែលបានសរសេរទៀតថា តាមពិតការដានទៅលើបុរសរូបនេះ ត្រូវបានធ្វើឡើងអស់រយៈពេលជាច្រើន ខែមកហើយដោយFBI បានដាក់ការសង្ស័យមកហើយថា រូបគេគឺជាសមាជិក នៃក្រុមជ្រុលនិយមនៅក្នុងតំបន់ម្នាក់ ពាក់ព័ន្ធទៅនឹងបញ្ហាជំនឿនិងសាសនា។
គួរឲ្យដឹងទៀតដែរថា បុរសរូបនេះ មានឈ្មោះTimothy R Wilsonត្រូវបានគេកត់ត្រា នៅក្នុងរបាយការណ៍កន្លងមកថា ធ្លាប់មានផែនការវាយប្រហារ ទៅលើសាលារៀនមួយកន្លែង ដែលជាទីកន្លែងពោរពេញ ទៅដោយសិស្ស ស្បែកខ្មៅ និងកាន់សាសនាមូស្លីម៕
ប្រែសម្រួល៖ស៊ុនលី
