ថៃ ដាក់បម្រាម ហាមលក់គ្រឿងស្រវឹងរយៈពេល ១០ថ្ងៃ ដើម្បីមិនឱ្យមានការប្រមូលផ្តុំ និងទប់ស្កាត់ការឆ្លងជំងឺ

បរទេស៖ អាជ្ញាធរនៅទីក្រុងបាងកក បានហាមឃាត់ការ​ លក់គ្រឿងស្រវឹងរយៈពេល ១០ថ្ងៃ ដើម្បីជួយទប់ស្កាត់ការប្រមូលផ្តុំ នៅក្នុងសង្គមដែលអាចរាលដាល វីរុសដែលបង្កឱ្យកើតជំងឺកូវីដ១៩ ។

យោងតាមសារព័ត៌មាន Bangkok Post ចេញផ្សាយនៅថ្ងៃទី៩ ខែមេសា ឆ្នាំ២០២០ បានឱ្យដឹងថា ការហាមឃាត់នេះនឹង ចូលជាធរមានចាប់ពីថ្ងៃទី១០ ដល់ថ្ងៃទី២០ ខែមេសា និងជាកិច្ចខិតខំប្រឹងប្រែង ចុងក្រោយរបស់តំបន់ទីក្រុងក្នុងការ ទប់ស្កាត់ការឆ្លងរាលដាលយ៉ាងច្រើន ចាប់តាំងពីដើមខែមីនា។

ឥឡូវនេះគ្រឿងស្រវឹងត្រូវបាន ប្រកាសហាមឃាត់សម្រាប់មនុស្សប្រហែល ១៦លាននាក់ ខណៈដែលខេត្តមួយចំនួនទៀត ក្នុងចំណោមខេត្តទាំង ៧៧ របស់ប្រទេសនេះបានដាក់បំរាមរួចហើយ។ ប្រទេសថៃទាំងមូលស្ថិតនៅក្រោម ស្ថានភាពអាសន្ននិងការបិទ ផ្នែកខ្លះរហូតដល់ខែមេសា។

ក្រុមមន្រ្តីកំពុងព្យាយាមអនុវត្ត គម្លាតសង្គមដើម្បីផ្តួលភ្នាក់ងារបង្ករោគ ដែលបណ្តាលឱ្យកើតជំងឺកូវីដ១៩ ដោយប្រហែលមួយភាគបួន នៃប្រជាជនសរុបចំនួន ៦៩ លាននាក់របស់ប្រទេសថៃស្ថិតនៅ ក្រោមការហាមឃាត់គ្រឿងស្រវឹង។ សូម្បីមុនពេលការផ្ទុះឡើងក៏ដោយ ពុទ្ធសាសនាភាគច្រើននៃប្រទេសថៃ បានដាក់ចេញនូវច្បាប់តឹងរឹង ដែលរារាំងការលក់ស្រាបៀរស្រា ផងដែរ ៕

ប្រែសម្រួលៈ ណៃ តុលា