វ៉ាស៊ីនតោន៖ ប្រធានាធិបតីសហរដ្ឋអាមេរិក លោក ដូណាល់ ត្រាំ បានលេីកឡេីងថា លោកមានគំនិតល្អណាស់ អំពីសុខភាពរបស់ មេដឹកនាំកូរ៉េខាងជើងលោក គីម ជុងអ៊ុន ប៉ុន្តែមិនទាន់អាចនិយាយ អំពីវាបាននៅឡើយទេ។
នៅក្នុងសន្និសីទកាសែត សេតវិមានលោក ត្រាំ បានប្រាប់អ្នកយកព័ត៌មានថា ពួកគេប្រហែលជាបានដឹង អំពីស្ថានភាពរបស់លោក គីម ជុងអ៊ុន នាពេលអនាគតដ៏ឆាប់ខាងមុខនេះ។
ការលើកឡើងនេះ កើតឡើងបន្ទាប់ពីការបាត់មុខ ពីសាធារណជនរបស់ មេដឹកនាំកូរ៉េខាងជើង លោក គីម ជុងអ៊ុន ប៉ុន្មានសប្ដាហ៍ចុងក្រោយនេះ ក្រោយពីលោកបាន ចូលមន្ទីរពេទ្យវះកាត់ជំងឺបេះដូង ហើយត្រូវបានគេសង្ស័យថា លោកកំពុងស្ថិតក្នុងស្ថានភាពធ្ងន់ធ្ងរ៕ ដោយ៖ ឈូក បូរ៉ា
