បរទេស៖ ដើម្បីគោរពដល់ទាហានសូវៀត ដែលបានបាត់បង់ជីវិត ពីការរំដោះ កូរ៉េពីការកាន់កាប់របស់ប្រទេសជប៉ុន នៅរដូវក្តៅឆ្នាំ ១៩៤៥ រដ្ឋាភិបាលទីក្រុងព្យុងយ៉ាង បានរៀបចំវិមានអនុស្សាវរីយ៍កម្ពស់ ៣០ ម៉ែត្រ ដែលគេហៅថា វិមានរំដោះ ឬវិមានសេរីភាព។
យោងតាមសារព័ត៌មាន Sputnik ចេញផ្សាយនៅថ្ងៃទី០៥ ខែឧសភា ឆ្នាំ២០២០ បានឱ្យដឹងថា យោងតាមក្រឹត្យដែលចេញដោយប្រធានាធិបតីរុស្ស៊ី លោក វ្លាឌីមៀ ពូទីន , មេដឹកនាំកូរ៉េខាងជើងលោក គីមជុងអ៊ុន ត្រូវបានប្រគល់មេដាយមួយ ដើម្បីរំលឹកខួបលើកទី ៧៥ នៃជ័យជំនះក្នុងសង្គ្រាមស្នេហាជាតិដ៏អស្ចារ្យ។
ឯកអគ្គរដ្ឋទូតរុស្ស៊ីប្រចាំកូរ៉េខាងជើងលោក Alexander Matsegora បានប្រគល់មេដាយជូនរដ្ឋមន្រ្តីក្រសួងការបរទេសកូរ៉េខាងជើង លោក Lee Song Gwon នៅថ្ងៃទី ៥ ខែឧសភា នៅសាល Mansudae Assemby ក្នុងទីក្រុងព្យុងយ៉ាង។
អនុក្រឹត្យដែលត្រូវគ្នា ត្រូវបានផ្សព្វផ្សាយតាមបណ្តាញសង្គមហ្វេសប៊ុក ដោយស្ថានទូតរុស្ស៊ីប្រចាំនៅសាធារណរដ្ឋ។
មានការកត់សម្គាល់ថា មេដឹកនាំកូរ៉េខាងជើង បានផ្តល់រង្វាន់សម្រាប់ការចូលរួមចំណែកដ៏ធំធេងរបស់គាត់ក្នុងការបន្តការចងចាំរបស់ពលរដ្ឋសូវៀត ដែលបានស្លាប់ និងត្រូវបានគេបញ្ចុះនៅក្នុងសាធារណរដ្ឋ ក៏ដូចជាការព្រួយបារម្ភចំពោះការអភិរក្សផ្នូរ និងការចងចាំ។
វិមានរំដោះគឺជានិមិត្តរូបល្បីល្បាញមួយនៅទីក្រុងព្យុងយ៉ាង ដែលត្រូវបានសាងសង់ឡើងក្នុងឆ្នាំ ១៩៤៧ ដើម្បីរំលឹកដល់ទាហានក្រហមដែលបានស្លាប់ក្នុងសមរភូមិដើម្បីរំដោះកូរ៉េចេញពីការកាន់កាប់របស់ជប៉ុនក្នុងដំណាក់កាលចុងក្រោយនៃសង្គ្រាមលោកលើកទី ២ ៕ប្រែសម្រួលៈ ណៃ តុលា
