តូក្យូ៖ ប្រភពពីរដ្ឋាភិបាលបានឲ្យដឹងថា ប្រទេសជប៉ុន កំពុងរៀបចំដើម្បីដកចេញនូវស្ថានភាពអាសន្នក្នុងប្រទេស ក្នុងពេលដំណាលគ្នា ដែលបានប្រកាសសម្រាប់ខេត្តចំនួន ៣៤ ក្នុងចំណោម ៤៧ នៃប្រទេសជប៉ុន ជុំវិញជំងឺកូវីដ-១៩នេះ។
នាយករដ្ឋមន្រ្តីលោក ស៊ីនហ្សូ អាបេ បានចង្អុលបង្ហាញថា អាណាខេត្តមួយចំនួនអាចត្រូវបានដកចេញពីបញ្ជីអ្នក ដែលស្ថិតនៅក្រោមស្ថានភាព អាសន្នមុនពេលផុតកំណត់ថ្ងៃទី៣១ ខែឧសភា។ ថ្លែងនៅក្នុងសភាលោកបានលេីកឡេីងថា ប្រទេសជប៉ុន កំពុងស្ថិតនៅលើផ្លូវ“ ស្ថិរភាព” ឆ្ពោះទៅរកការបញ្ចប់ការ រីករាលដាលនៃវីរុសនេះ។
ប្រភពដដែលបានឲ្យដឹងថា ក្នុងចំណោមខេត្តចំនួន ១៣ ដែលនៅសេសសល់ដែលត្រូវបានកំណត់ដោយរដ្ឋាភិបាល ដែលតម្រូវឱ្យមានការ ប្រុងប្រយ័ត្នពិសេស ដោយសារតែចំនួនដ៏ច្រើននៃ ការឆ្លងនោះតំបន់ Ibaraki និង Gifu ក៏កំពុងត្រូវបានពិចារណាផងដែរ៕
ដោយ ឈូក បូរ៉ា
