នាយករដ្ឋមន្រ្តី អង់គ្លេស ៖ គ្រប់ហាងទាំងអស់ នឹងបើកឡើងវិញ នៅថ្ងៃទី១៥មិថុនា និងជំរុញពលរដ្ឋ ចេញក្រៅ និងចាយលុយ ដើម្បីជួយសេដ្ឋកិច្ច ឱ្យងើបឡើងវិញ

បរទេស៖ រដ្ឋាភិបាលអង់គ្លេស បានចាប់ផ្តើមបន្ធូរបន្ថយ ការរឹតត្បិតលើវីរុស នេះបន្តិចម្តង ៗ នៅពាក់កណ្តាលខែឧសភា បន្ទាប់ពីបានឃើញ នូវនិន្នាការធ្លាក់ចុះ នៃចំនួនករណីឆ្លងថ្មី ដែលត្រូវបានចុះឈ្មោះ ជារៀងរាល់ថ្ងៃ ។ នាយករដ្ឋមន្រ្តីលោក Boris Johnson បាននិយាយកាលពីថ្ងៃច័ន្ទថា ទីផ្សារកណ្តាលវាល និងបន្ទប់តាំងបង្ហាញរថយន្ត នឹងបើកដំណើរការឡើងវិញ ចាប់ពីថ្ងៃទី ១ ខែមិថុនា។

យោងតាមសារព័ត៌មាន Sputnik ចេញផ្សាយ នៅថ្ងៃទី២៦ ខែឧសភា ឆ្នាំ២០២០ បានឱ្យដឹងថា លោក Johnson ក៏បានជំរុញពលរដ្ឋអង់គ្លេស ចេញក្រៅ និងចំណាយប្រាក់ ដើម្បីជួយសេដ្ឋកិច្ចអង់គ្លេស ឱ្យងើបឡើងវិញ បន្ទាប់ពីការចាក់សោរប្រទេស ដែលបណ្តាលមកពីវីរុស ដែលបង្កឡើងដោយមេរោគឆ្លង។

យោងតាមនាយករដ្ឋមន្រ្តី បានឱ្យដឹងថា ហាងដែលមិនចាំបាច់ផ្សេងទៀត រួមទាំងអ្នកដែលលក់សម្លៀកបំពាក់ និងប្រដាប់ប្រដាក្មេងលេង នឹងបើកជាសាធារណៈនៅថ្ងៃទី ១៥ ខែមិថុនា៕
ប្រែសម្រួលៈ ណៃ តុលា