សេអ៊ូល៖ យោងតាមក្រុមអ្នកវិភាគ បានលើកឡើងថា ជាមួយនឹងការអញ្ជើញរបស់ប្រធានាធិបតីអាមេរិក ដូណាល់ត្រាំទៅកាន់កិច្ចប្រជុំកំពូល នៃក្រុមប្រទេស G7 នៅរដូវស្លឹកឈើជ្រុះប្រទេស កូរ៉េខាងត្បូង បានរកឃើញខ្លួនឯងនៅក្នុង ជំហរការទូតដ៏តឹងរឹងមួយរវាងសម្ព័ន្ធមិត្ត របស់ខ្លួនសហរដ្ឋអាមេរិក និងដៃគូយុទ្ធសាស្ត្ររបស់ ប្រទេសចិន។
សេតវិមានបានបញ្ជាក់យ៉ាងច្បាស់ថា ការប្រជុំពង្រីកមួយនឹងនាំមក នូវសម្ព័ន្ធមិត្តប្រពៃណីរបស់សហរដ្ឋអាមេរិក ដើម្បីនិយាយអំពីអនាគតនៃប្រទេសចិន នៅពេលភាពតានតឹងរវាងទីក្រុងវ៉ាស៊ីនតោន និងទីក្រុងប៉េកាំង បានកើនឡើងយ៉ាងខ្លាំង ចំពោះជំងឺរាតត្បាត និងសេរីភាពស៊ីវិលនៅក្នុងទីក្រុងហុងកុង។
លោកប្រធានាធិបតី មូន ជេអ៊ីន បានទទួលយកការផ្តល់ជូនរបស់លោក ត្រាំ យ៉ាងឆាប់រហ័សក្នុងកំឡុងពេលនិយាយតាម ទូរស័ព្ទរវាងមេដឹកនាំទាំងពីរ កាលពីថ្ងៃច័ន្ទដោយនិយាយថា ប្រទេសរបស់លោក នឹងចូលរួមចំណែកនៅក្នុងកិច្ចខិតខំ ប្រឹងប្រែងស្តារឡើងវិញ និងសេដ្ឋកិច្ច៕ ដោយ ឈូក បូរ៉ា
