បរទេស៖ នៅព្រឹកថ្ងៃអាទិត្យ ឆ្មាំជាតិសហរដ្ឋអាមេរិកត្រូវបានដាក់ការប្រុងប្រយ័ត្នខ្ពស់នៅក្នុងរដ្ឋចំនួន ១៥ និងនៅទីក្រុងវ៉ាស៊ីនតោនឌីស៊ី នៅពេលដែល ការតវ៉ាជាច្រើន ដែលបានបង្កឡើងដោយការសម្លាប់លោក George Floyd បានក្លាយជាការធ្វើកុបកម្ម ដោយហិង្សា ជាមួយនឹងអគារនិង រថយន្តដែលត្រូវបានដុតបំផ្លាញ បង្អួចអគារត្រូវបានបុះផ្លាញ និងប៉ូលីសដែលប្រើអំពើហិង្សា ក្នុងការប្រឈមមុខដាក់គ្នាជាមួយក្រុមអ្នកតវ៉ា បានប្រមូលផ្តុំគ្នានៅមុខសេតវិមាន។
យោងតាមសារព័ត៌មាន Sputnik ចេញផ្សាយនៅថ្ងៃទី២ ខែមិថុនា ឆ្នាំ២០២០ បានឱ្យដឹងថា ប៉ូលីសប្រចាំ Polk County លោក Grady Judd បានលើកទឹក ចិត្តដល់ប្រជាជននៅសហគមន៍ Florida អោយប្រើកាំភ្លើងក្នុងករណីដែលមាន ចោរលួចដោយអំពើហឹង្សាហើយអ្នកដែល ព្យាយាមលួចចូលផ្ទះរបស់ពួកគេ។
នៅក្នុងសន្និសីទសារព័ត៌មានមួយកាលពីថ្ងៃច័ន្ទលោកបានគូសបញ្ជាក់ថា“ ប្រជាជននៅ Polk County ចូលចិត្តកាំភ្លើងពួកគេមានកាំភ្លើង ហើយពួកគេនឹង នៅក្នុងផ្ទះរបស់ពួកគេនៅយប់នេះ ដោយផ្ទុកកាំភ្លើងរបស់ពួកគេ” ។
លោកជូតបានសន្យាថានឹងតាមប្រមាញ់និងចាប់ ខ្លួនអ្នកកុបកម្មហឹង្សាណា ដែលចូលរួមក្នុងការប្រព្រឹត្តបទឧក្រិដ្ឋ ណាមួយដូចដែលរបាយការណ៍ ពីភ្នាក់ងារទូរទស្សន៍ Fox News ក្នុងស្រុកបានលើកឡើងថាអ្នកធ្វើកុបកម្ម អាចនាំមកនូវអំពើហឹង្សាទៅកាន់តំបន់ Polk County ។ លោក Judd បានទទូចថាមានភាពខុសគ្នារវាងបាតុករម្នាក់ និងអ្នកធ្វើកុបកម្មហើយបានព្រមានថា ពេលក្រោយនឹងត្រូវបានដោះស្រាយយ៉ាងសាហាវ៕
ប្រែសម្រួលៈ ណៃ តុលា
