សេអ៊ូល៖ ក្រសួងពាណិជ្ជកម្មបានឲ្យដឹងថា ប្រទេសកូរ៉េខាងត្បូង បានស្នើសុំឱ្យអង្គការពាណិជ្ជកម្មពិភពលោក WTO បើកក្រុមប្រឹក្សាដោះស្រាយ ជម្លោះដើម្បីដោះស្រាយជាមួយនឹងការទប់ស្កាត់ការនាំ ចេញរបស់ជប៉ុន ប្រឆាំងនឹងប្រទេស ជិតខាងរបស់ខ្លួននៅអាស៊ី ដែលបានចូលជាធរមាន ចាប់តាំងពីខែកក្កដា ឆ្នាំមុន។
ការផ្លាស់ប្តូរនេះបានកើតឡើង ប្រហែលពីរសប្តាហ៍បន្ទាប់ ពីទីក្រុងសេអ៊ូល ខកចិត្តដោយកង្វះការរីកចម្រើននៅក្នុងជម្លោះ នេះបានង្យដឹងថាខ្លួននឹង បើកបណ្តឹងរបស់ខ្លួនឡើងវិញប្រឆាំងនឹងការរឹតត្បិត ការនាំចេញរបស់តូក្យូនៅ ឯអង្គការពាណិជ្ជកម្មពិភពលោក។
កាលពីឆ្នាំមុនទីក្រុងសេអ៊ូល បានបោះបង់ចោលពាក្យ បណ្តឹងអង្គការពាណិជ្ជកម្មពិភពលោក (WTO) ប្រឆាំងនឹងការរឹតត្បិតការ នាំចេញរបស់ទីក្រុងតូក្យូ ក្នុងកាយវិការសុច្ឆន្ទៈដើម្បីស្វែងរកការឈានទៅ រកជម្លោះពាណិជ្ជកម្មដែល បានចាប់ផ្តើមជាមួយនឹងការហាមឃាត់ភ្លាមៗ នៃការដឹកជញ្ជូន សម្ភារៈសំខាន់ៗ ទៅកាន់ ប្រទេសជិតខាងរបស់ខ្លួនកាលពីខែកក្កដា ឆ្នាំ ២០១៩៕ ដោយ ឈូក បូរ៉ា
