រ៉ងហ្គូន ៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី២០ ខែមិថុនា ឆ្នាំ២០២០ថា យោងតាមតួលេខ ដែលបានបង្ហាញឲ្យដឹង ដោយក្រសួងសុខាភិបាល និងកីឡា បានឲ្យដឹងថា សរុបអ្នកឆ្លងជំងឺកូវីដ១៩ថ្មី ដែលជាអ្នកចូលមកពីបរទេស មានចំនួន២៣នាក់ ត្រូវបានគេរាយការណ៍ឲ្យដឹង នៅក្នុងប្រទេសមីយ៉ាន់ម៉ា កាលពីព្រឹកថ្ងៃសុក្រ ដែលនាំឲ្យចំនួនអ្នកឆ្លងជំងឺ សរុបកើនឡើងដល់២៨៦នាក់ នៅក្នុងប្រទេស ។
ករណីថ្មី ត្រូវបានគេបញ្ជាក់ឲ្យដឹង គឺជាអ្នកដែលវិលត្រឡប់មកវិញ ហើយជាអ្នក ស្ថិតនៅក្រោមការដាក់ឲ្យនៅដាច់ដោយឡែក បន្ទាប់ពីការធ្វើដំណើរថ្មីៗ របស់ពួកគេពីប្រទេសថៃឡង់ដ៏ និងម៉ាឡេស៊ី ។
គិតត្រឹមព្រឹកថ្ងៃសុក្រ សរុបវត្ថុវិភាគចំនួន៥៦.៧២៦ ត្រូវបានធ្វើតេស្តរកមើលជំងឺកូវីដ១៩ និងអ្នកជំងឺ៥.៦២៣នាក់ ត្រូវបានស្ថិតក្នុងការតាមដាន ។
មីយ៉ាន់ម៉ា ត្រូវបានគេរាយការណ៍ថា ករណីវិជ្ជមាននៃជំងឺកូវីដ១៩ចំនួន២របស់ខ្លួន បានកើតឡើងនៅថ្ងៃទី២៣ ខែមីនា និង៦នាក់ស្លាប់ ត្រូវបានគេរាយការណ៍ឲ្យដឹង ៕
ប្រែសម្រួលដោយ៖ ម៉ៅ បុប្ផាមករា
