រ៉ាម៉ាឡា៖ មន្រ្តីប៉ាឡេស្ទីន កាលពីថ្ងៃអាទិត្យ បានព្រមានពីផលវិបាក នៃផែនការបញ្ចូលទឹកដី របស់ប្រទេដអ៊ីស្រាអែល លើឱកាសសន្តិភាព នៅតំបន់មជ្ឈឹមបូព៌ា។
លោក Nabil Abu Rudeineh ដែល អ្នកនាំពាក្យ របស់ប្រធានាធិបតីប៉ាឡេស្ទីន លោក Mahmoud Abbas បានប្រាប់ក្រុមអ្នកយកព័ត៌មាន នៅទីក្រុង Ramallah ភាគខាងលិចថា“ ផែនការរបស់អ៊ីស្រាអែល ក្នុងការបញ្ចូលផ្នែកខ្លះ នៃតំបន់ West Bank នឹងមិនត្រូវបានអនុញ្ញាត ឱ្យឆ្លងកាត់នោះទេ” ។
លោកបានសង្កត់ធ្ងន់ថា ថ្នាក់ដឹកនាំប៉ាឡេស្ទីន នឹងមិនទទួលយកជំរើសណាមួយ ចំពោះរដ្ឋប៉ាឡេស្ទីនមួយ នៅក្នុងព្រំដែនឆ្នាំ១៩៦៧ ដោយសង្កត់ធ្ងន់ថាជំហរ និងជំហ៊ានប៉ាឡេស្ទីន នាពេលខាងមុខនឹងផ្អែកលើច្បាប់អន្តរជាតិ និងដំណោះស្រាយស្របច្បាប់។
អគ្គលេខាធិការ គណៈកម្មាធិការកណ្តាល របស់គណបក្ស Fatah លោក Jibril Rajoub បានឲ្យដឹងថា ប្រជាជនប៉ាឡេស្ទីន បានត្រៀមខ្លួនរួចជាស្រេចដើម្បី “ឈានទៅរកការតស៊ូមួយជំហានទៀត ប្រសិនបើចាំបាច់”៕ ដោយ៖ ឈូក បូរ៉ា
