បរទេស ៖ ប្រទេសរុស្ស៊ី បាននិយាយ នៅថ្ងៃព្រហស្បតិ៍ម្សិលមិញនេះ បាននិយាយប្រាប់ថា ខ្លួនទើបបានបោះបង់ចោល ការរៀបចំស្ម័គ្រចិត្ត អង្គការសហប្រជាជាតិមួយ ដែលមានគោលបំណង ការពារមន្ទីរពេទ្យ និងការដឹកជញ្ជូន ជំនួយមនុស្សធម៌ នៅក្នុងប្រទេសស៊ីរី មិនឲ្យរងការវាយប្រហារ ពីភាគីសង្គ្រាម។
ឯកអគ្គរដ្ឋទូតរុស្ស៊ីប្រចាំ នៅអង្គការសហប្រជាជាតិ លោក Vassily Nebenzia បានចោទប្រកាន់ក្រុមប្រឆាំង និងក្រុមភេរវករជាច្រើន តាមរយៈតំណាងរបស់ពួកគេ ពីបទរំលោភបំពានដំណើរ ការធ្លាក់ចុះ នៃជំនួយមនុស្សធម៌ ហើយរុស្ស៊ីជឿជាក់ថា អង្គការសហប្រជាជាតិ គួរតែផ្តល់ព័ត៌មានពាក់ព័ន្ធណាមួយ ឲ្យដល់អាជ្ញាធរស៊ីរី។
គួរបញ្ជាក់ថា ប្រទេសរុស្ស៊ី បានធ្វើការសម្រេចចិត្តបែបនេះ ក្រោយពីមានការស៊ើបអង្កេតផ្ទៃក្នុងរបស់អង្គការសហប្រជាជាតិ ក្នុងខែមេសា បានរកឃើញថា វាទំនងខ្លាំងណាស់ ដែលរដ្ឋាភិបាលស៊ីរី ឬក៏សម្ពន្ធមិត្តរបស់ប្រទេសនេះ បានធ្វើការវាយប្រហារលើទីតាំងអគារមណ្ឌលសុខភាពចំនួន៣កន្លែង សាលារៀនមួយកន្លែង និងមណ្ឌល់ស្នាក់នៅរបស់កុមារមួយកន្លែង នៅក្នុងប្រទេសស៊ីរីភាគពាយព្យ កាលពីឆ្នាំមិញ៕
ប្រែសម្រួល៖ប៉ាង កុង
