វ៉ាស៊ីនតោន៖ អតីតទីប្រឹក្សាសន្តិសុខជាតិ របស់លោក ត្រាំ គឺលោក John Bolton បានលើកឡើងថា ប្រធានាធិបតីសហរដ្ឋ អាមេរិកលោក ដូណាល់ ត្រាំ អាចជួបគ្នាម្តងទៀត ជាមួយមេដឹកនាំកូរ៉េខាងជើង លោក គីម ជុងអ៊ុន ប្រសិនបើលោកជឿជាក់ថា កិច្ចប្រជុំកំពូលមួយនឹងជួយដល់ឱកាស នៃការធ្វើឱ្យប្រសើរឡើងវិញ នូវការបោះឆ្នោតរបស់លោក ក្នុងខែវិច្ឆិកាខាងមុខនេះ។
ការអត្ថាធិប្បាយរបស់លោក Bolton ធ្វើឡើងបន្ទាប់ពីលោកប្រធានាធិបតី មូន ជេអ៊ីន បានបន្តការប្តេជ្ញាចិត្តរបស់លោកដើម្បីបើកកិច្ចប្រជុំ Trump-Kim លើកទី ៤ នៅមុនការបោះឆ្នោតប្រធានាធិបតី សហរដ្ឋអាមេរិក នៅខែវិច្ឆិកា។
ខណៈពេលដែលលោក ត្រាំ និងលោកគីមបានជួបគ្នា ចុងក្រោយ នៅក្នុងតំបន់គ្មាន យោធានៅតាមព្រំដែន អន្តរកូរ៉េ ក្នុងខែមិថុនា ឆ្នាំ ២០១៩ កិច្ចខិតខំប្រឹងប្រែង ដើម្បីឈានដល់កិច្ចព្រមព្រៀង នុយក្លេអ៊ែរបានជាប់គាំង ដោយសារតែភាពខុសគ្នា លើវិសាលភាព នៃការរំសាយ អាវុធនុយក្លេអ៊ែរ របស់កូរ៉េខាងជើង និងការបន្ធូរបន្ថយទណ្ឌកម្មពីសហរដ្ឋអាមេរិក៕
ដោយ ឈូក បូរ៉ា
