បរទេស៖ សារព័ត៌មានរបស់រដ្ឋ នៃប្រទេសអេហ្ស៊ីប Nile TV នៅថ្ងៃចន្ទនេះបានចេញផ្សាយថា រដ្ឋសភាជាតិនៃប្រទេសអេហ្ស៊ីប បានធ្វើការប្រកាសថា រដ្ឋាភិបាលនឹងប្រកាស ដាក់រដ្ឋក្នុងកម្រិតភាពអាសន្ន បន្ថែមរយៈពេល ៣ខែទៀត ដោយរាប់ចាប់ពីថ្ងៃទី២៣ ខែកក្កដានេះទៅ។
គណកម្មាការជាតិ ទទួលបន្ទុកកិច្ចការងារកម្រិត អាសន្នបានបញ្ជាក់ថា ការសម្រេចចិត្តបានធ្វើឡើង នៅបន្ទាប់ពីអេហ្ស៊ីប បានមើលឃើញថា ប្រទេសគឺកំពុងស្ថិតនៅក្នុង ដំណាក់កាលប្រឈមមុខ ទៅនឹងភាពគ្រោះថ្នាក់នៃសុខភាព និងលក្ខខណ្ឌសន្តិសុខជាតិ នៅទូទាំងប្រទេសនៅឡើយ។
យោងតាមអនុក្រឹត្យថ្មីនេះ កងកម្លាំងប្រដាប់អាវុធ និងប៉ូលីសនឹងចាត់វិធានការ ចាំបាច់ដើម្បីប្រយុទ្ធប្រឆាំងនឹង អំពើភេរវកម្មនិងហិរញ្ញវត្ថុរបស់ខ្លួន រក្សាសន្តិសុខទូទាំងប្រទេស ការពារទ្រព្យសម្បត្តិសាធារណៈ និងឯកជននិងការពារអាយុជីវិត ប្រជាពលរដ្ឋរបស់ខ្លួន ៕
ប្រែសម្រួល៖ ស៊ុន លី
