ញូដេលី៖ ឥណ្ឌាបានទិញយន្តហោះចម្បាំង Rafale ចំនួន ៣៦ គ្រឿងពីប្រទេសបារាំង ក្នុងកិច្ចព្រមព្រៀងរដ្ឋាភិបាលឆ្នាំ ២០១៦ ក្នុងតម្លៃ ៨,៧ ពាន់លានដុល្លារ។ ការបញ្ជូនយន្ដហោះ ដែលបានចាប់ផ្តើមនៅខែតុលាឆ្នាំ ២០១៩ នឹងបញ្ចប់នៅឆ្នាំ ២០២២។ ឥណ្ឌាបានជំរុញឱ្យបារាំងពន្លឿនការដឹកជញ្ជូននេះ ចំពេលមានភាពតានតឹង កាន់តែខ្លាំងជាមួយប្រទេសចិន នៅតាមព្រំដែន។
យោងតាមសារព័ត៌មាន Sputnik ចេញផ្សាយនៅថ្ងៃទី៣០ ខែកក្កដា ឆ្នាំ២០២០ បានឱ្យដឹងថា យន្តហោះប្រតិកម្ម Rafale នៅឥណ្ឌាឥលូវមាន ៥គ្រឿង ជាប្រភេទយន្តហោះចម្បាំង ដែលមានកៅអីជាប់គ្នាតែមួយ ៣ និងកៅអីភ្លោះ ២ បានចុះចតនៅស្ថានីយ៍ទ័ពអាកាស Ambala ប្រទេសឥណ្ឌា កាលពីថ្ងៃពុធបន្ទាប់ពីហោះចម្ងាយ ៨.៥០០ គីឡូម៉ែត្រពីប្រទេសបារាំង។ រដ្ឋមន្រ្តីក្រសួងការពារជាតិឥណ្ឌាបានហៅឱកាសនោះថា ជាការចាប់ផ្តើមនៃយុគសម័យថ្មីមួយនៅក្នុងប្រវត្តិសាស្ត្រយោធារបស់ប្រទេសនេះ។
កងទ័ពអាកាសឥណ្ឌា បានហៅយន្ដហោះទាំងនោះថា ជាអ្នកផ្លាស់ប្តូរល្បែងចំពេលមានការប្រឈមមុខដាក់គ្នាជាបន្តជាមួយប្រទេសចិននៅព្រំដែនខាងជើង។ នេះគឺជាលក្ខណៈពិសេសមួយចំនួន នៃយន្ដហោះ Rafale ដែលបានផ្លាស់ប្តូរតុល្យភាពបច្ចេកវិទ្យារបស់ឥណ្ឌាដែលជាផ្នែកមួយនៃកម្មវិធីទំនើបកម្មរបស់ខ្លួន។ ខាងក្រោមនេះ ជាលក្ខណៈពិសេសរបស់យន្តហោះចម្បាំងបារាំង Rafale ដែលឥណ្ឌាទើបទទួលបាន ៥គ្រឿង កាលពីប៉ុន្មានថ្ងៃមុននេះ
សមត្ថភាពប្រយុទ្ធ និងភាពត្រឹមត្រូវRafale ជំនាន់ ៤.៥ ត្រូវបានបង្ហាញ ឱ្យឃើញពីការប្រយុទ្ធ ព្រោះវាត្រូវបានប្រើដោយកងទ័ព អាកាសបារាំងសម្រាប់បេសកកម្មរបស់ខ្លួន នៅអាហ្វហ្គានីស្ថាន លីប៊ី និងប្រទេសម៉ាលី។ វាក៏ត្រូវបានប្រើនៅក្នុងបេសកកម្មនៅសាធារណរដ្ឋអាហ្វ្រិកកណ្តាល អ៊ីរ៉ាក់ និងស៊ីរីផងដែរ។ Rafale ក៏អាចផ្ទុកឥន្ធនៈនិងអាវុធបានច្រើនផងដែរ។ ជាមួយនឹងភាពតានតឹងនៅតាមព្រំដែនក្នុងតំបន់ Ladakh នេះធ្វើឱ្យប្រទេសឥណ្ឌា មានភាពប្រសើរឡើងជាងយន្តហោះ J20 Chengdu របស់ចិន។
យន្ដហោះនេះក៏រួមបញ្ចូលលក្ខណៈពិសេសនៃការចាប់ផ្តើមម៉ាស៊ីនត្រជាក់ដែលអាចឱ្យពួកគេអាចដំណើរការបាននៅឯអាកាសដែលមានកម្ពស់ខ្ពស់ដូចជាយន្តហោះមួយនៅជិតព្រំដែនជាមួយប្រទេសចិន។
ហោះបានចម្ងាយឆ្ងាយ ដោយសារតែកង្វះអាវុធ និងឧបករណ៍ចាប់សញ្ញាចម្ងាយឆ្ងាយ កងទ័ពអាកាសឥណ្ឌា ងាយរងគ្រោះនៅពេលនិយាយដល់ប្រព័ន្ធ ការពារអាកាសរបស់ខ្លួន។ ជាមួយនឹងសមត្ថភាពពហុតួនាទី រួមមានសង្គ្រាមអេឡិចត្រូនិក ការការពារដែនអាកាស ការគាំទ្រពីមូលលើដី និងការវាយប្រហារស៊ីជម្រៅ យន្តហោះចម្បាំងប្រភេទ Rafale អាចហោះបានចម្ងាយចន្លោះពី ៧៨០ ទៅ ១.០៥៥ គីឡូម៉ែត្រ បើប្រៀបធៀបទៅនឹងយន្ដហោះ Su30MKI ដែលហោះបានចម្ងាយ ៤០០ ទៅ ៥៥០ គីឡូម៉ែត្រ។ ជាមួយគ្នានេះ ឥណ្ឌាអាចហោះសំដៅយន្តហោះរបស់ប៉ាគីស្ថាន ឬចិន នៅចម្ងាយឆ្ងាយដោយគ្មានហានិភ័យនៃការតាមដាន។
សមត្ថភាពមីស៊ីលកម្រិតខ្ពស់Rafale រួមបញ្ចូលមីស៊ីលបាញ់ពីអាកាសទៅអាកាស -មីស៊ីលប្រភេទ SCALP ព្រមទាំងមីស៊ីល MICA។ មីស៊ីល Meteor ជាមួយនឹងកម្លាំងម៉ាស៊ីល Ramjet បច្ចុប្បន្នជាកាំជ្រួចអាកាសបាញ់បានចម្ងាយឆ្ងាយបំផុត ក្នុងប្រតិបត្តិការមីស៊ីលនិងភាពសាហាវ របស់វាអាចត្រូវបានវាស់ស្ទង់ ដោយការពិតដែលថា វាអាចរក្សាបាននូវល្បឿនខ្ពស់ ជាប់លាប់រហូតដល់ វាឈានដល់គោលដៅ។ កាំជ្រួចបាញ់សាកល្បងយ៉ាងជ្រៅ របស់ SCALP ដែលត្រូវបានសម្គាល់ ដោយចម្ងាយឆ្ងាយរបស់វា (៥៦០ គីឡូម៉ែត្រ) និងភាពជាក់លាក់នឹងជួយឱ្យយុទ្ធជនឥណ្ឌាចូលដល់គោលដៅការពារខ្ពស់នៅក្នុងទឹកដីសត្រូវ ដោយមិនចាំបាច់ចូលដែនអាកាសសត្រូវ៕
ប្រែសម្រួលៈ ណៃ តុលា
