សេអ៊ូល៖ ប្រេសិតនុយក្លេអ៊ែរកំពូល របស់ប្រទេសកូរ៉េខាងត្បូង លោក Lee Do-hoon បានឲ្យដឹងថា លោកនឹងពិភាក្សាកិច្ចប្រឹងប្រែងរួមគ្នា ជាមួយសហរដ្ឋអាមេរិក ដើម្បីដោះស្រាយ ជាមួយនឹងការ សម្លាប់មន្ត្រីកូរ៉េខាងត្បូងម្នាក់ ដោយទាហានកូរ៉េខាងជើង។
លោកក៏បានឲ្យដឹង នៅពេលទៅដល់ទីក្រុងវ៉ាស៊ីនតោនថា កិច្ចពិភាក្សារបស់លោក ជាមួយសមភាគីសហរដ្ឋអាមេរិក លោកអនុរដ្ឋមន្រ្តី ក្រសួងការបរទេស លោក Stephen Biegun ក៏នឹងរួមបញ្ចូលផងដែរ នូវការអំពាវនាវថ្មីៗនេះ របស់ប្រធានាធិបតី មូន ជេអ៊ីន សម្រាប់កិច្ចប្រឹងប្រែង ដើម្បីប្រកាសបញ្ចប់ជាផ្លូវការ នូវការបញ្ចប់សង្គ្រាមកូរ៉េឆ្នាំ ១៩៥០-៥៣ ។
នៅពេលនិយាយដល់អ្នកយកព័ត៌មាន បន្ទាប់ពីបានទៅដល់ អាកាសយានដ្ឋានអន្តរជាតិឌុលឡេស លោកបានឲ្យដឹងថា“ ហេតុផលដែលខ្ញុំមកពេលនេះ គឺដើម្បីពិភាក្សាអំពីរាល់បញ្ហា ដែលពាក់ព័ន្ធនាពេលបច្ចុប្បន្ន ដូច្នេះខ្ញុំពិតជាមានគម្រោងពិភាក្សា ពីលទ្ធភាពនៃការបញ្ចប់សង្គ្រាម”៕ ដោយ៖ ឈូក បូរ៉ា
