បរទេស៖ ប្រជាជននៅក្នុងស្រុកចំនួន ៥ នៅខាងក្រោមទំនប់ Lam Takhong ក្នុងស្រុក Si Khiu ប្រទេសថៃ ត្រូវបានគេព្រមានអោយត្រៀម សម្រាប់ការជម្លៀសដែលអាចកើតមាន នៅពេលដែលបរិមាណទឹក នៅក្នុងទំនប់នេះលើសពីសមត្ថភាព អតិបរមាដែលមានសុវត្ថិភាព។
យោងតាមសារព័ត៌មាន Bangkok Post ចេញផ្សាយនៅថ្ងៃទី១៩ ខែតុលា ឆ្នាំ២០២០ បានឱ្យដឹងថា នៅព្រឹកថ្ងៃច័ន្ទនេះទឹកនៅក្នុងទំនប់ Lam Takhong ត្រូវបានគេវាស់ថា ផ្ទុកទឹក ៣១៩,៣ លានម៉ែត្រគូប ពោលគឺ ១០១.៥៤% នៃសមត្ថភាព របស់ទំនប់ដែលអាចផ្ទុកទឹក បានត្រឹមតែ ៣១៤ លានម៉ែត្រគូប ។
អភិបាលខេត្តលោក Wichian Chantaranothai កាលពីថ្ងៃអាទិត្យបានស្នើដល់រដ្ឋបាល មូលដ្ឋានក្នុងស្រុក Si Khiu, Sung Noen, Kham Thale So, Muang និងស្រុក Chalerm Phra Kiat ដើម្បីព្រមានដល់ប្រជាជន ដែលរស់នៅតាមដងទំនប់ Lam Takhong, Lam Boribun, Lam Choeng Krai និង Nam Mun ដើម្បីត្រៀមសម្រាប់ការជម្លៀសក្នុងករណី ទឹកជំនន់ ៕
ប្រែសម្រួលៈ ណៃ តុលា
