ក្រសួងការបរទេស សហរដ្ឋអាមេរិក អនុម័តទឹកប្រាក់១,៨ពាន់លានដុល្លារ ក្នុងការលក់អាវុធដល់កោះតៃវ៉់ាន់

វ៉ាស៊ីនតោន ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មានឲ្យដឹងនៅថ្ងៃទី២២ ខែតុលា ឆ្នាំ២០២០ថា មន្ទីរបញ្ចកោណបានឲ្យដឹងកាលពីថ្ងៃពុធថា ក្រសួងការបរទេស សហរដ្ឋអាមេរិក បានយល់ព្រមលើការលក់ប្រព័ន្ធអាវុធ ៣ប្រភេទដែលមានសក្តានុពលដល់កោះតៃវ៉ាន់ រួមមានឧបករណ៍ចាប់សញ្ញាកាំជ្រួច មីស៊ីល និងកាំភ្លើងធំដែលអាចមានតម្លៃសរុប១,៨ពាន់លានដុល្លារអាមេរិក ។

សេចក្តីរាយការណ៍មួយ កាលពីសប្តាហ៍មុនបានឲ្យដឹងថា សេតវិមានកំពុងតែដំណើរការទៅមុខ ដោយធ្វើការលក់ឧបករណ៍យោធា ទំនើបៗចំនួន៥ ប្រភេទ ដាច់ដោយឡែកពីគ្នាទៅឲ្យកោះតៃវ៉ាន់ ដែលមានតម្លៃសរុបប្រមាណ៥ពាន់លានដុល្លារ សហរដ្ឋអាមេរិក ខណៈរដ្ឋបាលរបស់លោក ត្រាំ បង្កើនសម្ពាធលើប្រទេសចិន ហើយការព្រួយបារម្ភកើនឡើង អំពីចេតនារបស់ទីក្រុងប៉េកាំង ចំពោះកោះតៃវ៉ាន់ ផងដែរ ។

គួរបញ្ជាក់ថា ក្នុងចំណោមប្រព័ន្ធអាវុធផ្សេងទៀត ការជូនដំណឹងជាផ្លូវការ កាលពីថ្ងៃពុធ ទៅកាន់សភា ដោយក្រសួងការបរទេស គឺសម្រាប់ការបាញ់រ៉ុក្កែត ដែលមានមូលដ្ឋានលើ រថយន្តដឹកទំនិញចំនួន១១ គ្រឿងដែលផលិតដោយក្រុមហ៊ុនសារជីវកម្ម Lockheed Martin Corp ដែលមានឈ្មោះថា ប្រព័ន្ធកាំជ្រួចថ្ម ដែលមានសមត្ថភាពខ្ពស់ ហៅកាត់ថា (HIMARS) ក្នុងតម្លៃប្រមាណ៤៣៦,១លានដុល្លារសហរដ្ឋអាមេរិក ។

ការជូនដំណឹងនេះ ក៏បានគ្របដណ្តប់លើ135 AGM-84H តាមការប៉ាន់ស្មានចំណាយអស់៣៦៧,២ លានដុល្លារសហរដ្ឋអាមេរិក ។

សេចក្តីជូនដំណឹងសមាជបន្ថែមទៀត ត្រូវបានគេរំពឹងថា នឹងត្រូវអនុវត្តតាមកាលពីថ្ងៃពុធ រួមមានទាំងយន្តហោះគ្មានមនុស្សបើកដែលផលិតដោយឧត្តមសេនីយ៍ Atomics និងមីស៊ីលប្រឆាំងនាវា Harpoon ដែលផលិតដោយក្រុមហ៊ុន Boeing ដើម្បីធ្វើជាមីស៊ីលការពារឆ្នេរ ផងដែរ ។

ប្រភពបានឲ្យដឹងថា ស្ថានីយ៍នាវាដឹកមីស៊ីល១០០កន្លែង និងមីស៊ីល៤០០គ្រាប់ នឹងត្រូវចំណាយថវិកា ប្រមាណ២ពាន់លានដុល្លារសហរដ្ឋអាមេរិក ៕
ប្រែសម្រួលដោយ៖ ម៉ៅ បុប្ផាមករា