មូស្គូ៖ អនុរដ្ឋមន្រ្តីក្រសួងការបរទេសរុស្ស៊ី លោក Oleg Syromolotov បាននិយាយនៅក្នុងបទសម្ភាសន៍ជាមួយសារព័ត៌មាន Sputnik ថា រដ្ឋាភិបាលទីក្រុងមូស្គូបានព្រមានម្តងហើយម្តងទៀតទៅលើទីក្រុងប៉ារីសអំពីការគំរាមកំហែងកើតឡើងពីក្រុមភេរវករនៅ North Caucasus (ជាផ្នែកមួយនៅក្នុងប្រទេសរុស្ស៊ី) នៃការវាយប្រហារដោយអំពើហិង្សាថ្មីៗនេះ ប៉ុន្តែប្រទេសបារាំងនៅតែបន្តទទួលយកពួកគេជា“ យុទ្ធជនដើម្បីសេរីភាព” ហើយថែមទាំងផ្តល់សញ្ជាតិដល់ពួកគេមួយចំនួនទៀត។
យោងតាមសារព័ត៌មាន Sputnik ចេញផ្សាយនៅថ្ងៃទី៣០ ខែតុលា ឆ្នាំ២០២០ បានឱ្យដឹងដោយផ្អែកតាមការលើកឡើងរបស់លោក Syromolotov ថា «ត្រលប់ទៅប្រធានបទ រ៉ាឌីកាល់ ខ្ញុំអាចប្រាប់អ្នកបានថាយើងបានព្រមានម្តងហើយម្តងទៀតដល់ដៃគូបារាំងរបស់យើងអំពីគ្រោះថ្នាក់ដែលបង្កឡើងដោយភេរវករដែលមានដើមកំណើត North Caucasian ខណៈដែលបារាំងបានទទួលយកពួកគេជាអ្នកប្រយុទ្ធដើម្បីសេរីភាព” ។
យោងតាមអ្នកការទូតរុស្ស៊ី «អ្នកប្រយុទ្ធក្លែងក្លាយជាច្រើនដើម្បីសេរីភាពបានបង្កើតទីជម្រកនៅក្នុងប្រទេសបារាំង ហើយពួកគេមួយចំនួនបានក្លាយជាពលរដ្ឋនៃប្រទេសនេះ»។ អ្នកការទូតរុស្ស៊ីរូបនេះបានចង្អុលបង្ហាញពីតួនាទីសំខាន់ដែលកិច្ចសហប្រតិបត្តិការប្រឆាំងភេរវកម្ម ដើរតួក្នុងទំនាក់ទំនងរវាងទីក្រុងមូស្គូនិងប៉ារីសផងដែរ៕ប្រែសម្រួលៈ ណៃ តុលា
