គ៊ែរ៖ រដ្ឋមន្ត្រីការបរទេសអេហ្ស៊ីបលោក Sameh Shoukry បានជួបពិភាក្សាការងារ កាលពីថ្ងៃព្រហស្បតិ៍ជាមួយ បេសកជនពិសេស អង្គការសហប្រជាជាតិ សម្រាប់ប្រទេសស៊ីរី Geir Pedersen នៅទីក្រុងគែរ ដើម្បីពិភាក្សារកមធ្យោបាយ ដើម្បីស្វែងរកដំណោះស្រាយ ដោយសន្តិវិធី ចំពោះវិបត្តិនៅស៊ីរី។
អ្នកនាំពាក្យក្រសួង ការបរទេសអេហ្ស៊ីបលោក Ahmed Hafez បានឲ្យដឹងនៅក្នុងសេចក្តីថ្លែងការណ៍មួយថា លោក Shoukry បានបញ្ជាក់ជាថ្មីនូវជំហរ របស់ប្រទេសអេហ្ស៊ីប ដែលគាំទ្រ“ ដំណោះស្រាយនយោបាយមួយ ចំពោះវិបត្តិដោយផ្អែកលើ ដំណោះស្រាយរបស់ក្រុមប្រឹក្សា សន្តិសុខអង្គការសហប្រជាជាតិលេខ ២២៥៤ ក្នុងលក្ខណៈមួយ ដែលការពារឯកភាពរបស់ប្រទេសស៊ីរី និងឯករាជ្យភាពនៃ ការសម្រេចចិត្តនយោបាយរបស់ខ្លួន” ។
ចំពោះការអនុម័តជាឯកច្ឆន្ទ នៅចុងឆ្នាំ២០១៥ ដំណោះស្រាយលេខ ២២៥៤ បានកំណត់ពេលវេលា សម្រាប់កិច្ចពិភាក្សា និងផែនទីបង្ហាញផ្លូវ សម្រាប់ដំណើរការ សន្តិភាពនៅប្រទេសស៊ីរី។
លោក Shoukry បានគូសបញ្ជាក់ពីការ ច្រានចោលរបស់អេហ្ស៊ីប ចំពោះការផ្លាស់ប្តូរប្រជាសាស្ត្រ ដោយបង្ខំនៅក្នុងប្រទេសស៊ីរី ដោយជំរុញឱ្យមានការផ្លាស់ប្តូរ នយោបាយស្របគ្នាជាមួយនឹង ការប្រឈមមុខគ្នាប្រកបដោយប្រសិទ្ធភាព ជាមួយអង្គការភេរវករ ប្រដាប់អាវុធនៅក្នុងប្រទេស ដែលហែកហួរដោយសង្គ្រាមមួយនេះ៕
ដោយ ឈូក បូរ៉ា
