អ្នកការទូតកំពូលអាមេរិក-កូរ៉េខាងត្បូង បញ្ជាក់ជាថ្មីនូវកិច្ចខិតខំប្រឹងប្រែង ដើម្បីធានាសន្តិភាព នៅឧបទ្វីបកូរ៉េ

សេអ៊ូល៖ រដ្ឋមន្រ្តីការបរទេសកូរ៉េខាងត្បូង លោកស្រី Kang Kyung-wha និងរដ្ឋមន្រ្តីការបរទេសសហរដ្ឋអាមេរិក លោក Mike Pompeo កាលពីថ្ងៃចន្ទ បានបញ្ជាក់ជាថ្មីពីការប្តេជ្ញាចិត្ត ដើម្បីធានាសន្តិភាពនៅឧបទ្វីបកូរ៉េ ខណៈដែលអ្នកទាំងពីរបានជួបពិភាក្សាគ្នា រយៈពេល ២ ថ្ងៃបន្ទាប់ពីលោក Joe Biden ជាប់ឆ្នោតជាប្រធានាធិបតី អាមេរិកបន្ទាប់។

លោកស្រី Cale Brown អ្នកនាំពាក្យរងបានលើកឡើងថា “ ក្នុងអំឡុងពេល នៃកិច្ចប្រជុំនេះរដ្ឋមន្រ្តីការបរទេស លោក Pompeo និងរដ្ឋមន្រ្តីការបរទេសក្រុង សេអ៊ូល បានពិភាក្សាអំពីអាទិភាពទ្វេភាគី និងក្នុងតំបន់រួមទាំងការ សម្របសម្រួលលើការធានាសន្តិភាព នៅឧបទ្វីបកូរ៉េ និងការពង្រីកកិច្ចសហប្រតិបត្តិការ តាមរយៈយុទ្ធសាស្ត្រឥណ្ឌូ – ប៉ាស៊ីហ្វិក របស់សហរដ្ឋអាមេរិក និងគោលនយោបាយថ្មីរបស់កូរ៉េខាងត្បូង” ។

សេចក្តីប្រកាសព័ត៌មានបានបន្ថែមថា“ រដ្ឋលេខាធិកា រនិងរដ្ឋមន្ត្រីការបរទេសបានពង្រឹង ការប្តេជ្ញាចិត្តរួមគ្នារបស់យើង ដើម្បីការពារបទបញ្ជាអន្តរជាតិ ដែលមានមូលដ្ឋានក៏ដូចជាធានាថា សម្ព័ន្ធភាពត្រូវបានរៀបចំ ដើម្បីប្រឈមនឹងបញ្ហា ដែលកំពុងកើតឡើងនៅសតវត្សរ៍ទី ២១”៕

ដោយ ឈូក បូរ៉ា