បរទេស៖ ទីភ្នាក់ងារចិនស៊ិនហួ ចេញផ្សាយនៅថ្ងៃព្រហស្បតិ៍នេះ បានឲ្យដឹងថា ពលរដ្ឋប៉ាឡេស្ទីនជាច្រើននាក់ បាននាំគ្នាធ្វើការបាតុកម្ម កាលពីថ្ងៃពុធម្សិលមិញ ក្នុងគោលបំនងដើម្បីប្រឆាំងទៅនឹង ដំណើរបំពេញទស្សនកិច្ច របស់លោករដ្ឋមន្ត្រីការបរទេសអាមេរិក Mike Pompeo នាពេលខាងមុខទៅកាន់តំបន់តាំង លំនៅដ្ឋានរបស់អ៊ីស្រាអ៊ែលក្នុងតំបន់ West Bank។
នៅក្នុងអំឡុងពេលនៃបាតុកម្មនៅក្នុងទីក្រុង al Bireh របស់តំបន់ West Bank ក្រុមបាតុករបាននាំគ្នា ធ្វើការលើកទង់ជាតិប៉ាឡេស្ទីន ព្រមទាំងបាន លើកបដាជាភាសាអង់គ្លេស និងអារ៉ាប់ផង ក្នុងអត្ថន័យដើម្បីប្រឆាំង ទៅនឹងដំណើរទស្សនកិច្ច។
ប្រភពដដែលបានឲ្យដឹងទៀតថា ក្នុងចំណោមក្រុមបាតុករទាំងនោះ គេបានដឹងដែរថា ក៏មានពលរដ្ឋប៉ាឡេស្ទីន ដែលកាន់លិខិតឆ្លងដែន របស់អាមេរិកផងដែរ ៕
ប្រែសម្រួល៖ ស៊ុន លី
