ព្រុចសែល៖ មន្ត្រីជាន់ខ្ពស់សហភាពអ៊ឺរ៉ុប កាលពីថ្ងៃអាទិត្យ បានស្វាគមន៍ការប្តេជ្ញាចិត្តរួមគ្នា របស់មេដឹកនាំ ក្រុមប្រទេសសេដ្ឋកិច្ចធំៗទាំង ២០ (G-20) ក្នុងការដោះស្រាយបញ្ហា ប្រឈមនឹងជំងឺរាតត្បាត និងសេដ្ឋកិច្ចសកលដ៏ធំមួយ។
សេចក្តីប្រកាសមួយ ដែលត្រូវបានអនុម័ត នៅក្នុងកិច្ចប្រជុំកំពូល G-20 លើកទី១៥ បានបង្ហាញថាមេដឹកនាំ ក្រុមមានការប្តេជ្ញាចិត្ត ក្នុងការធ្វើឱ្យមានភាពរឹងមាំ មាននិរន្តរភាព មានតុល្យភាព និងមានបញ្ចូលនូវយុគសម័យ ក្រោយជំងឺកូវីដ-១៩ ។
ប្រធានគណៈកម្មការអឺរ៉ុបលោក Ursula von der Leyen បានសរសេរតាមប្រព័ន្ធអ៊ីនធឺណិតថា“ យើងបានឯកភាពគ្នាថា សកម្មភាពសកលភាពសាមគ្គីភាព និងកិច្ចសហប្រតិបត្តិការពហុភាគី គឺចាំបាច់ ដើម្បីកសាងអនាគតល្អប្រសើរ” ។
លោកបានបន្ថែមថា“ ខ្ញុំសូមស្វាគមន៍ ចំពោះគំនិតផ្តួចផ្តើម ផ្អាកសេវាកម្មបំណុលរបស់ G-20 សម្រាប់ការបន្ធូរបន្ថយបំណុល និងការពង្រីកវារហូតដល់ខែមិថុនា ឆ្នាំ២០២១” ។
ប្រធានក្រុមប្រឹក្សាអឺរ៉ុប លោក Charles Michel បានគូសបញ្ជាក់ នៅក្នុងសេចក្តីថ្លែងការណ៍មួយថា អង្គការសុខភាពពិភពលោក ត្រូវតែនៅតែជាមូលដ្ឋានគ្រឹះ នៃការសម្របសម្រួលជាសកល ប្រឆាំងនឹងភាពអាសន្ននៃសុខភាព៕ ដោយ៖ ឈូក បូរ៉ា
