តេអេរ៉ង់៖ អង្គភាពការពារបដិវត្តអ៊ីស្លាម (IRGC) បានប្រកាសនៅថ្ងៃអាទិត្យម្សិលមិញនេះថា ឧបករណ៍បញ្ជាដោយផ្កាយរណប ត្រូវបានប្រើប្រាស់ក្នុងការធ្វើឃាតអ្នកវិទ្យាសាស្ត្រនុយក្លេអ៊ែរកំពូលរបស់អ៊ីរ៉ង់លោក Mohsen Fakhrizadeh នេះបើយោងតាមការចុះផ្សាយរបស់ទីភ្នាក់ងារ សារព័ត៌មានចិនស៊ិនហួ។
អ្នកនាំពាក្យ IRGC លោក Ramezan Sharif ត្រូវបានដកស្រង់សម្ដីដោយសារព័ត៌មាន Press TV បានឲ្យដឹងថា“ ឧបករណ៍អេឡិចត្រូនិកទំនើបបញ្ជាដោយផ្កាយរណប ត្រូវបានប្រើក្នុងការធ្វើឃាតលោក Martyr Fakhrizadeh” ។
គួរបញ្ជាក់ថា លោក Fakhrizadeh បានស្លាប់ដោយសាររបួសធ្ងន់ធ្ងរនៅមន្ទីរពេទ្យកាលពីថ្ងៃទី២៧ ខែវិច្ឆិកា បន្ទាប់ពីការផ្ទុះមួយលើរថយន្តរបស់លោក នៅក្នុងភូមិ Absard ចម្ងាយ ៦០ គីឡូម៉ែត្រភាគឥសានទីក្រុងតេអេរ៉ង់៕
ដោយ ឈូក បូរ៉ា
![](https://dap-news.com/wp-content/uploads/2020/08/1-1.png)