បរទេស៖រដ្ឋមន្ត្រីការបរទេសចិន លោក វ៉ាង យី នៅថ្ងៃចន្ទនេះ តាមសេចក្តីរាយការណ៍ បានមានប្រសាសន៍ថា លោកសង្ឃឹមនិងជឿជាក់ថា គោលនយោបាយសហរដ្ឋអាមេរិកលើប្រទេសចិន នៅទីបំផុត អាចនឹងវិលត្រឡប់ទៅរកភាពសមហេតុផលវិញ។
ថ្លែងប្រាប់ទៅកាន់ក្រុមថ្នាក់ដឹកនាំពាណិជ្ជកម្មមកពីក្រុមហ៊ុនសហរដ្ឋអាមេរិក លោក វ៉ាង យី ដែលក៏ជាទីប្រឹក្សារដ្ឋចិនផងនោះ បាននិយាយថា ប្រទេសទាំងពីរ គួរតែគោរពប្រវត្តិសាស្ត្រ ផលប្រយោជន៍ស្នូល និង ប្រព័ន្ធនិងផ្លូវដែលប្រជាជនជ្រើសរើសរបស់គ្នានឹងគ្នា នៅពេលធ្វើការគ្រប់គ្រងលើការខ្វែងគំនិតនិងជម្លោះ។
យោងតាមសេចក្តីរាយការណ៍មួយ ចេញផ្សាយដោយទីភ្នាក់ងារសារព័ត៌មាន Us News នៅថ្ងៃទី០៧ ខែធ្នូ ឆ្នាំ២០២០ បានឲ្យដឹងថា លោករដ្ឋមន្ត្រីការបរទេសចិនរូបនេះ បានមានប្រសាសន៍បន្ថែមទៀតដូច្នេះថា “ប្រទេសចិននិងសហរដ្ឋអាមេរិក អាចនឹងសហការគ្នាទាំងស្រុង លើវិស័យនានា ដូចជាការគ្រប់គ្រងរោគរាតត្បាត ការងើបឡើងវិញនៃសេដ្ឋកិច្ច និងបញ្ហាបម្រែបម្រួលអាកាសធាតុ៕ប្រែសម្រួល៖ប៉ាង កុង
