នាថ្ងៃទី១០ ខែធ្នូ អគ្គស្ថានីយវិទ្យុ និងទូរទស្សន៍មជ្ឈិមចិន បានរៀបចំធ្វើវេទិកាស្តីពីកិច្ចសហប្រតិបត្តិការ នៃប្រព័ន្ធផ្សាព្វផ្សាយ “ដៃគូអឺរ៉ុប” ឆ្នាំ២០២០តាមប្រព័ន្ធវីដេអូខុនហ្វឺរិន ដើម្បីធ្វើកិច្ចសន្ទនាជាមួយតំណាងចូលរួមវេទិកា ២៨ រូបដែលមកពីប្រព័ន្ធផ្សាព្វផ្សាយចំនួន ២៥ នៃប្រទេស ១៦ នៅតំបន់អឺរ៉ុប ជុំវិញប្រធានបទស្តីពី “ ទំនុកចិត្ត កិច្ចសន្ទនា កិច្ចសហប្រតិបត្តិការ និងភាពឈ្នះ-ឈ្នះ” ។
តំណាងនៃប្រព័ន្ធផ្សព្វផ្សាយ នៃប្រទេសចិននិងអឺរ៉ុប បានរួមគ្នាប្រកាស «សេចក្តីប្រកាសរួមស្តីពីការបង្កើន កិច្ចសហប្រតិបត្តិការនៃប្រព័ន្ធផ្សព្វផ្សាយ» ក្នុងន័យជំរុញឱ្យប្រព័ន្ធផ្សព្វផ្សាយ នៃប្រទេសចិននិងអឺរ៉ុបបង្កើនកិច្ចសហប្រតិបត្តិការ រួមសុខរួមទុក្ខ រួមសាមគ្គីគ្នាប្រយុទ្ធប្រឆាំងនឹងជំងឺឆ្លង ក៏ដូចជាលើកតម្កើងទំនុកចិត្ត នៃសហគមន៍អន្តរជាតិ ។
ពេលថ្លែងសុន្ទរកថា ក្នុងវេទិកានេះ លោក ShenHaixiong អគ្គនាយកនៃអគ្គស្ថានីយវិទ្យុ និងទូរទស្សន៍មជ្ឈិមចិន បានលើកសំណើចំនួន ៣ ចំណុចអំពីកិច្ចសហប្រតិបត្តិការ នៃប្រព័ន្ធផ្សព្វផ្សាយរវាងចិននិងអឺរ៉ុប ពោលគឺទី១ ធ្វើឱ្យមានភាពស៊ីជម្រៅនូវកិច្ចសហប្រតិបត្តិការក្នុងវិស័យ ផ្សព្វផ្សាយព័ត៌មានស្តីពី ការប្រយុទ្ធប្រឆាំងនឹងជំងឺឆ្លង ទី ២ ជំរុញការផ្លាស់ប្តូរ និងបំពេញទស្សនកិច្ចគ្នាទៅវិញទៅមរវាងបុគ្គលិក នៃប្រព័ន្ធផ្សព្វផ្សាយ ទី៣ បង្កើនការកសាងយន្តការសហប្រតិបត្តិការ ។
លោកបានថ្លែងថា កិច្ចសន្ទនា ការផ្លាស់ប្តូរ និងកិច្ចសហប្រតិបត្តិការរវាងប្រព័ន្ធផ្សព្វផ្សាយ នៃប្រទេសចិននិងអឺរ៉ុបនឹង ឆ្ពោះទៅកាន់ដំណាក់កាលថ្មីដែលមាន ភាពកាន់តែជិតស្និទ្ធ កាន់តែស៊ីជម្រៅនិងអនុវត្តជាក់ស្តែង ។
លោក Friedenberg ប្រធានទីភ្នាក់ងារព័ត៌មាន Reuters បានថ្លែងក្នុងវេទិកានេះថា ចាំបាច់ត្រូវតែយល់ឃើញថា កិច្ចសហប្រតិបត្តិការមានសារៈសំខាន់ក្រៃលែង ក្នុងអេកូបរិយាកាស ប្រព័ន្ធផ្សព្វផ្សាយថ្មី ។ យើងអាចសម្រេចបាននូវ កិច្ចសហប្រតិបត្តិការតាមរយៈទម្រង់កិច្ចសហប្រតិបត្តិការផ្នែកព័ត៌មាន សម្ព័ន្ធមុខរបរ ឱកាសពាណិជ្ជកម្មថ្មី និងវេទិកាចែករំលែកខ្លឹមសារជាដើម ។
លោករំពឹងទុកថា ប្រព័ន្ធផ្សព្វផ្សាយអាចរួមសហការគ្នា បង្កើតទំនាក់ទំនងភាពជាដៃគូយុទ្ធសាស្ត្រ ដើម្បីធានារឱ្យប្រព័ន្ធផ្សព្វផ្សាយទាំងអស់វិវឌ្ឍរីកចម្រើនទៅមុខទាំងអស់គ្នា ។
